Home General Minister Dr. Rudy Lampe a haci entrega di Appel di Oro na...

Minister Dr. Rudy Lampe a haci entrega di Appel di Oro na e respectivo ganadornan

111
0
SHARE
- Advertisement -

ORANJESTAD (AAN) – Den un ambiente ameno, Minister di Enseñansa, Ciencia y Desaroyo Sostenibel Dr. Armando Rudy Lampe a haci entrega di e Appel di Oro | Un Premio Nacional di Excelencia den Enseñansa na e respectivo ganadornan.

Consciente di e balor di e trabou den enseñansa y e reconocemento cu e merece, e proyecto a nace cu e meta pa duna atencion na e cosnan positivo cu ta sosode na scol y den klas, duna reconocemento pa e trabou den enseñansa y ilustra y stimula enseñansa di calidad.

E ganadornan di e Appel di Oro 2018 ta como lo siguiente e aña aki:

Maestro

Nicole Villada

Sint Franciscus College

Dirigente

Maritza Carrion

Scol Preparatorio Cacique Aterima

Lifetime Achievement Award 

Reginald Altman

Filomena College MAVO

Proyecto

Nos Hofi

Scol Caiquetio

Pa generacion pasado, presente y futuro e appel ta un expression di respet, gratitud, y amor pa e hendenan special cu a yuda guia nos, forma nos y haci un diferencia den nos bida. Nos ta desea boso tur hopi alegria, salud y Bendicion. Sigui haci un diferencia den bida di nos muchanan.

E proyecto Appel di Oro ta un oportunidad pa reconoce esnan cu ta destaca den enseñansa, esnan cu ta contribui na y representa excelencia den enseñansa, es decir, “Nos Heroenan di tur dia”.

Nos ta haci uso di e oportunidad aki pa yama pabien un biaha mas na tur e nominadonan y ganadornan y alabes kier a gradici Aruba henter cu e respaldo ricibi pa cu Appel di Oro 2018.

Pa mas informacion por acudi na nos website [ea.aw] y busca Appel di Oro den e alfabet menu. Tambe por sigui desaroyonan relaciona cu Enseñansa na Aruba a traves di facebook, twitter y Instagram  @educationaruba.

- Advertisement -

DUNA COMENTARIO

Please enter your comment!
Please enter your name here