Home Enseñanza Minister Lampe: Gabinete Wever-Croes ta continua cu proyectonan di e gobierno anterior

Minister Lampe: Gabinete Wever-Croes ta continua cu proyectonan di e gobierno anterior

72
0
SHARE
- Advertisement -

Sin cay den infantilismo politico:

ORANJESTAD (AAN) – Minister di Enseñanza, Ciencia y Desaroyo Sostenible, dhr. Rudy Lampe, tabata encarga cu e conferencia di prensa di gobierno di Diahuebs. E dignatario a elabora riba e tema: “Acuerdonan cu Hulanda”.

Minister Lampe a informa den representacion di Gabinete Wever-Croes, cu nan ta continua cu proyectonan cu a wordo inicia bao di gobierno anterior. El a subraya cu nan ta un gobierno responsable y nan no ta wak color politico, y si algo ta bon di gobierno anterior nan ta dune continuidad.

Pesey, e gobierno aki no ta bay cay den infantilismo politico, segun e dignatario. El a expresa cu ora ex-minister presidente ta pidi pa baha e gobierno aki, pa medio di un manifestacion nacional, cu tur cos ta bay malo, e ta bisando cu loke gobierno ta continuando e ta duna su mes un onvoeldoende. E ta comosifuera loke nan a inicia tambe tabata malo.

“Well, nos no ta cay den infantilismo politico. Nos ta continua cu nos responsabilidad pasobra nos no ta wak color politico, nos ta wak e bandera di Aruba. Pesey dia 18 di Maart cu ta den porta, nos kier invita henter pueblo pa celebra e dia aki cu e fervor di sirbi pais Aruba, di sirbi e color di nos bandera, y pone un banda tur infantilismo politico y bay uni pa defende e interes di e baranca aki. Esaki ta e dia di Himno y Bandera, unda nos ta pone un banda tur otro interes politico y ta enfoca riba un solo interes, e interes general, e interes di Aruba”, Minister Lampe a expresa.

E mandatario a referi, den e mesun contexto, cu gobierno ta continua cu un proyecto cu a cuminza bao e gobierno anterior, cu ta carga e nomber di “Fiets Onderwijs”.

 

- Advertisement -

DUNA COMENTARIO

Please enter your comment!
Please enter your name here