Home Gobierno Na Mei lo haya sa cual ta e companianan cu a gana...

Na Mei lo haya sa cual ta e companianan cu a gana e destaho publico y cu lo atende cu e maneho di desperdicio

221
0
SHARE
- Advertisement -

9 compania local y internacional a participa den BID

ORANJESTAD (AAN):  Minister Otmar Oduber a duna di conoce durante un conferencia di prensa diahuebs mainta cu na e momentonan aki tin 3 destaho publico tumando lugar pa loke ta trata maneho di desperdicio.

El a indica cu den futuro pa medio di incineracion y caminda cu lo produci coriente cu esaki, lo atende cu e asunto di desperdicio cu tin na Aruba.

A haya un total di 9 compania cu a BID pa loke ta e incinerator grandi. Tin 27 compania cu a inscribi tanto local como internacional.

E di dos proceso ta e saneamento di Parkietenbos cual ta un noticia grandi pa e bario rond  di e area aki cu dentro di un par di luna mas lo yega na e parti final unda no lo mira mas e dump y e candela ey cu pa tanto aña a mira.

Segun Oduber, e proceso lo inicia e aña aki pa asina dentro di un aña y mey pa dos aña no mira candela mas na Parkietenbos.

E di tres destaho publico cu ta tumando lugar pareu cu e otronan ta esun pa e ‘sanitary landfill’, esta e dump nobo cu tin cu wordo organiza na un forma strategico pa atende cu tur loke tin di haber cu e desperdicionan peligroso y cu no por procesa atravez di e incineracion, a indica.

Tur tres proceso ta andando na e momentonan aki y tambe e ultimo aki a ricibi 9 participante. Tur participante ta den tur tres categoria locual por mustra cu tin un totalidad den loke ta e maneho di desperdicio.

Den un par di luna, pa fin di April pa cuminzamento di Mei lo sa cual ta e companianan cu a gana e destahonan publico aki

- Advertisement -

DUNA COMENTARIO

Please enter your comment!
Please enter your name here