Home General Oficina di Estadistica ta actualisando nan base di dato di adresnan na...

Oficina di Estadistica ta actualisando nan base di dato di adresnan na Aruba 

5
0
SHARE
- Advertisement -

Dos team di CBS ta coriendo rond den e barionan di Aruba

ORANJESTAD (AAN): DIARIO a haya informe cu den cuadro di e trabaonan cu mester tuma lugar pa prepara pa e proximo Censo cu lo tuma lugar na luna di October 2020, Oficina Central di Estadistica (CBS) ta actualisando nan base di dato di adresnan na Aruba.

E base di dato aki ta contene 46.182 adres, di cual 41.820 ta adresnan di vivienda (incluyendo cas, apartamento, trailer, cuarto y combinacion di vivienda y negoshi)

Pa por actualisa e base di dato di adres, dos team di CBS ta coriendo rond den e barionan di Aruba. E teamnan aki ta consisti di un (of mas) personal di CBS y un chauffeur. E teamnan ta haci uso di autonan cu nummerplaat di v-wagen.

E autonan ta reconocibel door di e logo di CBS cu ta pega na e portanan na ambos banda di e autonan. Tambe por reconoce e personal di CBS door di un bage cu nan tin bisti.

CBS ta pidi cooperacion di un y tur pa e trabaonan cu ta wordo ehecuta door di CBS durante di e lunanan venidero. E actualisacion di e adresnan lo tin un duracion di aproximadamente 4 luna.

Si tin cualkier pregunta por tuma contacto cu Oficina Central di Estadistica na telefoon: 524-7433. Tambe por manda un e-mail na: cbs@setarnet.aw

- Advertisement -

DUNA COMENTARIO

Please enter your comment!
Please enter your name here