Home Parlamento “Ora cu Evelyn Wever Croes papia, pueblo cuida bo cartera”

“Ora cu Evelyn Wever Croes papia, pueblo cuida bo cartera”

115
0
SHARE
- Advertisement -

Melvin Tromp:

ORANJESTAD  (AAN): Durante e conferencia di prensa di tur Diamars di AVP, Melvin Tromp a papia riba locual e ta yama “e situacion caotico” den cual pais Aruba ta pasando.

“Desde cu gabinete Wever Croes a haya e oportunidad pa asumi e responsabilidad, nos a bin ripara cu Aruba ta bibando momentonan dificil, momentonan cu ta ilustra cla y raspa cu e Gobierno aki ta un Gobierno sin nocion y sin ningun benul locual ta regarda bon gobernacion”.

“E consecuencia di esaki ta cu awe pueblo ta bibando castigo na man di e gobernantenan aki”.

Esaki segun Tromp, kende a sigui bisa cu ora cu Evelyn Wever Croes papia, pueblo mester cuida su cartera pasobra esaki ta e realidad cu ta biba den e pueblo aki.

“Cifranan ta indica exactamente kico e desastre ta cu e gobierno aki ta cometiendo contra pueblo”.

“Nos tur ta corda con Wever Croes a bisa cu Aruba merece mihor y cu nos grandinan lo bay conoce un adelanto”.

“El a priminti di baha e edad di pensioen di 65 pa 60 aña y Glenbert Croes a para tras di esaki”.

“Sinembargo awe ni aparece e no ta aparece pa duna cara bek na e pueblo aki”, segun Tromp, kende a bisa tambe cu a papia e tempo ey di baha di 9 pa 7 minister, siendo cu actualmente tin 8 minister y uno scondi bao di e pechi di e minister di Salubridad.

El a indica cu e persona aki no tin e titulo di minister, pero e ta cobrando e mesun tipo di salario.

“Nos a compronde cu ni na trabao e ta aparece, pasobra e tin otro tipo di ofishi pa hasi”.

“Esaki ta e abusonan cu ta wordo cometi contra e pueblo aki, pasobra den e gobierno aki no tin un stabilidad y no tin e respet entre nan, pues corda pa e pueblo aki”.

Esaki segun Tromp, kende a sigui bisa cu tur instancia financiero ta dunando e mesun indicacion, pues cu e gobierno actual ta un desastre.

“Esaki ta e engaño cu e gobernantenan aki a presenta na boso cas, pa hasi e yamada pa bin cu e cambio”.

“Awe pueblo ta guliendo e cambio, siendo cu e unico cambio ta cu hendenan cu no tin e conocimento di gobernacion, ta na mando”, segun e miembro di AVP, kende a indica cu el a compronde cu na Juni e intencion tabata pa redobla e BBO te na 12%.

“Nan a core nenga esaki den prensa, pero den e rapport tin para claramente kico ta henter e pensamento cu tabata tin tras di e aumento aki di medida”, segun Tromp.

- Advertisement -

DUNA COMENTARIO

Please enter your comment!
Please enter your name here