Home Policial Persona perverso a haci acto inmoral riba mucha muher den Pizza Hut

Persona perverso a haci acto inmoral riba mucha muher den Pizza Hut

1746
0
SHARE
- Advertisement -

E tata a bira furioso y a bringa cu e persona!

ORANJESTAD (AAN): Diasabra anochi un cantidad di cliente tabata gozando di un dushi cena na Pizza Hut riba Sasakiweg.  E playground pa mucha tabata basta yen tambe y mientras mayornan ta sinta na banda, e muchanan ta hunga.

Sinembargo algo inmoral a socede den e lugar.   Un mucha muher chikito a bira victima di un persona perverso den e Playground.

Corectamente e mucha muher a bay bisa su Tata, cu un hende a caba di “mishi” cune.

E mucha muher tambe a mustra e Tata, ta cua persona a haci e cos mahos cune.

Esaki a pone e Tata acudi mesora riba e persona y a cuminza discuti cune, y esaki a finaliza den un bringamento.  E pleito y e pelea tabata entre nan dos solamente.

Polis mesora a wordo yama, y agentenan a yega y a tene e Tata, y a bay cune.  E persona perverso?  Esey no tin informacion si acaso el a keda deteni tambe.  Of si acaso Polis a lage bay.

Como cu den fin di siman, prensa no ta hayando ningun informacion mas di Polis, oficialmente no ta conoci si acaso a detene e supuesto persona perverso/pedofil cu a mishi cu e yiu muher.

E speranza tey cu e siman aki lo por haya informacion oficial di loke a pasa.  Un suplica ta bay na Halto Comisario Hoo, pa por fabor duna prensa bek nan informe di fin di siman, pasobra pueblo ta exigi transparencia di Cuerpo Policial, y pueblo merece di haya sa kico ta pasando.

 

- Advertisement -

DUNA COMENTARIO

Please enter your comment!
Please enter your name here