Home Actividad Especial Preparacion di VOZ-I-LANDIA 2019 den full swing:

Preparacion di VOZ-I-LANDIA 2019 den full swing:

40
0
SHARE
- Advertisement -

E ta planea pa 14 di April y 19 di Mei. Juni 23 e gran final!

ORANJESTAD (AAN) – Den conferencia di prensa, a wordo anuncia cu e gran evento “Voz-I-Landia Escolar”2019, lo tuma lugar na April, Mey y Juni proximo.

Cabesante di Fatima College, sr. Franklin Richardson, a hiba palabra tocante e actividad bunita y semper spera aki.

Manera ta conoci Fundacion Voz-I-Landia Escolar tin su cede den O.L.V van Fatima College. El a referi na e ultimo festival Voz-I-Landia cu a tuma lugar na 2017, pero no tabata tin na 2018 pa motibonan fuera di alcance.

E preparacion pa e aña aki ta full swing, sr. Richardson a expresa. E tabata sinta cu algun miembro di e Comision y a informa tambe cu tin maestronan di otro scolnan cu tambe ta yuda e Fundacion cu e festival.

Sr. Richardson a indica cu e festival ta wordo parti den dos categoria cu ta:

Categoria A: Edad di 7 pa 9 aña

Categoria B: Edad di 10 pa 13 aña.

Dia 14 di April tin e presentacion di categoria A den Cas di Cultura; 19 di Mei tin planea pa organiza e categoria B y e gran final cu ta wordo teni den un solo atardi, cu e muchanan cu ta clasifica den A y B lo ta riba dia 23 di Juni. Tur e dianan aki ta riba Diadomingo atardi manera ta un custumber di Voz-I-Landia pa asina famia, maestronan y henter e bario por bin apoya e muchanan cu nan bunita cantica.

COMPETENCIA INTER-ESCOLAR:

Sr. Richardson a subraya cu Festival Voz-I-Landia ta un actividad hop bunita, pasobra e ta pa muchanan di scol y e ta un competencia di canto entre scolnan basico, y asina tambe via cancionnan propio na Papiamento, ta duna bek na e scolnan den forma di un CD pa asina den futuro por scucha den clas pa motiva e alumnonan pa participa.

Sr. Richardson a menciona cu scolnan participante a haya un anochi di informacion na unda a elabora tambe riba e reglanan cu mester cumpli cune.

 

- Advertisement -

DUNA COMENTARIO

Please enter your comment!
Please enter your name here