Home General Prome avion di JetAir Caribbean a ateriza na Corsow diaranzon anochi

Prome avion di JetAir Caribbean a ateriza na Corsow diaranzon anochi

47
0
SHARE
- Advertisement -

ORANJESTAD (AAN): Informacion cu a drenta for di Corsow ta indica cu diaranzon anochi, e prome avion Fokker 70 di JetAir Caribbean a yega na e aeropuerto di Hato.

E avion, un ex cityhopper di KLM cu capacidad pa 80 pasahero, a yega Corsow procedente di Merca despues di un mantenimento exhaustivo den e tayernan di Fokker na Asia.

Na America, e avion a wordo geverf cu e colornan di jetAir. JetAir lo opera bao e licencia di United Caribbean Airlines, un operador ya caba existente.

JetAir a keda traha ariba e proceso pa obtene e Certificado di operacion di e aerolinea (AOC) desde October 2018, y cu e yegada di e aeronave nan ta drentando den e etapa final pa e obtencion di e AOC.

E compania ta spera di por ricibi tur e permisonan necesario durante e luna di April, pa asina por inicia di biaha cu e actividadnan comercial.

Durante e luna di April, e di dos avion Fokker 70 di JetAir tambe lo yega Corsow y lo sirbi di reserva pa garantiza e rendimento na tempo pa e operacion den futuro, segun nan comunicado di prensa.

Locual no ta conoci ainda ta si  aerolinea aki lo ‘reemplaza’ InselAir, cual a wordo declara bancarota.

- Advertisement -

DUNA COMENTARIO

Please enter your comment!
Please enter your name here