Home Gobierno Prome Minister a atende bunita presentacion di peliculanan cortico

Prome Minister a atende bunita presentacion di peliculanan cortico

7
0
SHARE
- Advertisement -

ORANJESTAD (AAN): Diahuebs atardi, Prome Minister Evelyn Wever-Croes a atende presentacion di 3 pelicula cortico y un buki di recuerdo di e di dos guera mundial y e papel importante cu Aruba a hunga den esaki. E presentacion a wordo organisa pa National Comite 4 en 5 mei’.

. Presente na e evento special aki tabata Gobernador di Aruba Alfonso Boekhoudt y Minister Lampe. Alumnonan di klas 5a y 5b di Colegio Santa Filomena tabata invita.

Durante e presentacion, tres ciudadano Arubano, señora Lampe-Antonette, señor Dania y señor Wever, a conta nan experiencia y e alumnonan di Colegio Santa Filomena tabata hopi interesa y conmovi pa e experencianan cu e tres ciudadanonan a pasa aden durante e temporada di e di dos guera mundial, kendenan ta sirbi como ehempel pa tur ciudadano di Aruba.

Ademas den e “denkboek” tin hopi informacion cu por wordo duna na scolnan. E alumnonan di Colegio Santa Filomena a haya e oportunidad pa dirigi preguntanan na e protagonistanan di e peliculanan y nan a canta un cancion.

“Nos por logra hopi den nos pais, si nos dedica tempo y atencion na nos muchanan y duna nan e hermentnan pa prepara nan pa futuro. Ora mi intercambia cu nos muchanan, semper mi ta siña asina hopi. Dios bendiciona nan y guia nos den tuma e miho decisionnan den nan bienestar”.

Pa mira e 3 peliculanan cortico filma na entre otro Aruba, bay riba website www.4en5mei.nl. E peliculanan no ta largo, pero nan ta hopi recomendabel sigur pa mira y conoce mas di historia di e tempo di e di dos guera mundial.

 

- Advertisement -

DUNA COMENTARIO

Please enter your comment!
Please enter your name here