Home Parlamento Prome Minister a gana corona di politico mas mentiroso y minister  di...

Prome Minister a gana corona di politico mas mentiroso y minister  di Finanzas ta esun cu mas ta viaha

75
0
SHARE
- Advertisement -

Arthur Dowers:

ORANJESTAD (AAN): Durante e conferencia di prensa di tur Diamars di partido AVP, parlamentario Arthur Dowers a papia di Finanzas Publico.

“Nos tin un minister di Finanzas cu a bisa cu e ta bay bati nos pueblo cu medida, pero cu e ta bay hasi un tiki dolor so”.

“Awe nos pueblo ta sinti e dolor aki tur caminda”.

“Unda cu bo bira, pueblo ta bisabo cu ya e situacion a bira insoportable y cu nan ta haya cu e cos aki no por sigui asina”.

“Aworaki tabata tin un anuncio di binimento di mas cu 10% di BBO y nos a mira cu Prome Minister y Minister di Finanzas a sali y a desmenti esaki, pero nos tur conoce e personanan aki como personanan sumamente gañado”.

Esaki segun Dowers, kende a indica cu te ainda ningun di e puntonan cu Evelyn Wever Croes a priminti durante su campaña, a bira un realidad.

“El a hay e corona di ta e politico mas mentiroso di e pais aki y e ta documenta pa historia”.

“Pueblo no a kere ora cu el a bisa cu e BBO no ta bay bira 10% y pesey nan a cuminza prepara, acercando nos partido pa nos por sali pafo y manda un señal hopi cla pa nan, cu nos no ta bay acepta ningun medida mas contra di nos pueblo”.

Esaki segun e parlamentario di AVP, kende a sigui bisa cu gobierno tin un minister di Finanzas cu ta sinta mas cu 1 aña y cu nos tur ta corda cu e ta un señora cu tabata grita masha duro mes.

“El a haya diferente nomber, pero ora cu e señora aki a bay papia riba nos debe, el a baha su tono pa por sconde e realidad”, segun Dowers, kende a indica cu e mandatario prome cu eleccion a bay cu un campaña Hulanda y bisa cu Aruba ta bancarota y a resulta awor cu tur e cifranan ta mustra cu absolutamente no ta berdad cu Aruba ta bayendo bancarota.

“E cifranan di e debe di pais Aruba cu nan a publica, no ta cuadra cu realidad”, segun e parlamentario.

“Nos a mira e señora aki tur caminda na mundo incluyendo New York, Tahiti, Francia, Boneiro y Corsow”.

“E ta e minister di Finanzas cu den historia di e pais aki a pasa mas dia pafo di Aruba, cu el a pasa na Aruba mes”, siendo cu e ta bisa cu e pais aki ta bancarota”, segun Dowers.

 

- Advertisement -

DUNA COMENTARIO

Please enter your comment!
Please enter your name here