Home Parlamento Pueblo ta exigi pa Rocco Tjon publica sentencia di huez den su...

Pueblo ta exigi pa Rocco Tjon publica sentencia di huez den su caso, relaciona cu su propio yiu muher

425
0
SHARE
- Advertisement -

Melvin Tromp:

ORANJESTAD (AAN): “Mirando cu mi a scucha Prome Minister di e pais aki siman pasa papia riba e tema di abuso sexual contra muchanan menor di edad, mi a dicidi di reacciona”.

Esaki segun Melvin Tromp, durante e conferencia di prensa di AVP di tur Diamars.

“Mi a tende bisa cu e ta pura pa September yega, pa bay Parlamento y busca un manera pa cambia e ley pa esnan cu ta comete e tipo di acto criminal aki y cu esaki ta bay ta un ley cu den un tempo record di menos cu 6 minuut lo wordo introduci, pa duna esnan culpabel mas castigo”.

“Awe nos ta bayendo pa di dos aña di gobernacion y nos no ta mira ningun cambio di ley riba e tema aki”.

“Esaki ta un indicacion cu e hendenan aki no solamente ta biba cu e mentira, sino nan ta drumi y lanta cune, pasobra nada cu a wordo priminti a wordo concretiza”, segun Tromp.

“Ora cu bo ta papia di integridad bo ta obligami di cuestionabo den e caso aki, pasobra bo mester puntra bo mes di ki clase di integridad bo ta papiando, pasobra tin cu ta sinta den Parlamento y ta hinca den casonan di abuso di menor di edad, cu awe ta defende bo fraccion”.

“No 1 ni 2, sino varios di nan, incluyendo coordinadornan di minister cu tabata envolvi den casonan di abuso di menor di edad y nada ta wordo hasi”.

“Mi kier sa si bo persona ta na altanto cu tin te hasta un hende cu a wordo condena na un castigo di 2 aña y 9 luna, cu ta labora den bo bureau di Prome Minister”.

Esaki segun Tromp, kende a bisa cu tin miembronan di Parlamento di MEP cu tabata envolvi directamente den e tipo di casonan aki.

“Rocco Tjon, lider di fraccion di MEP, bo a demostrami cu bo ta incapacita, bo no ta un persona honesto y bo no tin e cuero di cara, pasobra na varios occasion mi a lanza e pregunta den bo direccion y mi a puntrabo pa contesta tres pregunta y te awe bo no tin e curashi pa contesta mi persona”.

“Si bo no tin e curashi di sali pa dilanti y papia, publica e sentencia di huez cu bo a haya den e caso contra bo propio yiu muher”.

“Esaki ta e integridad cu Wever Croes ta papia di dje”.

“Hendenan putri sinta den Staten como miembronan di Parlamento y ningun di nan tin e curashi di enfrenta e hendenan aki, pasobra nos kier scapa peyeho di e partido”.

“Mi ta dirigi mi mes na Rocco Tjon cu a labora den e aparato di husticia, un persona cu ta wordo cuestiona tur dia y pueblo ta pidi pa saca e caso aki den claridad, pasobra nan kier sa”.

“Nan kier sa con ta posibel cu tin hendenan sinta den Parlamento y nada ta wordo hasi pa e miembronan di partido, muy en e particular e lider di e partido cu awe ta Prome Minister di e pais aki”, segun Tromp.

“E casonan aki ta casonan serio, incluyendo un caso di dos hoben di 15 aña cu a bira victima di un coordinador cu ta sinta den bureau di minister”.

“Asina tin diferente ehempel, incluyendo uno cu tabata doño di un botica cu tambe a abusa di un mucha menor di edad, cu a bay core stage den e botica aki”.

Esaki segun e miembro di AVP, kende a sigui bisa cu si e persona menciona anteriormente no kier papia y no ta presenta e sentencia, esaki ta cuadra cu e dicho Hulandes cu ta na Papiamento nifica cu si bo keda keto bo ta admiti.

“Mi mester bisabo cu bo ta un persona sin curashi, un cobarde cu no sa con pa confronta bo propio actonan”, segun Tromp.

- Advertisement -

DUNA COMENTARIO

Please enter your comment!
Please enter your name here