Home Carnaval Rey Momo ta presenta su testament diadomingo despues di parada grandi di...

Rey Momo ta presenta su testament diadomingo despues di parada grandi di carnaval 65

49
0
SHARE
- Advertisement -

ORANJESTAD (AAN):  Desde cu SMAC a tuma e timon di Carnaval, a purba tur manera y a reuni cu tur grupo di carnaval pa evento di kimamento di momo ta un exito.

E formula cu SMAC ta uzando pa e ultimo añanan, a trece hopi hende y banda musical pa despidi di rey momo. Mirando e exito cu tawata tin, SMAC lo keda uza e formula aki cu a resulta di ta esun mas efectivo, esta pa kima momo despues di nos gran parada.

E evento di Kimamento di Rey Momo lo no bay sin e musica di ambiente carnavalesco. Diadomingo for di 6’or di atardi e prome banda musical ‘N Fuzion lo drenta Harbour Arena sigui pa Tsunami, BMW, DL’S, y Upgrade Music.

Algun minuut prome cu Prins y Pancho kima Rey Momo, President di SMAC Sra. Shannon Henriquez lo tin e honor pa lesa e ultimo Testament di Rey Momo y anuncia e fecha di nos gran parada di Carnaval 2020.

Como ya ta un tradicion y pa duna Kimamento di Rey Momo un toke special, na momento cu Momo ta wordo kima, lo bay tin un bunita show di vuurwerk pa despidi Carnaval65.

SMAC ta desea tur carnavalistanan hopi exito den e ultimo 2 parada di carnaval y pabien na un y tur kendenan a participa y aporta na un celebracion historico.

- Advertisement -

DUNA COMENTARIO

Please enter your comment!
Please enter your name here