Lo tin trabounan di cobamento y pasamento di kabel
ORANJESTAD (AAN): Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Caya Ernesto Petronia, cu entrante mañan 6 di maart 2019 for di 9’or di mainta lo bay cera e rotonde di Santa Helena pa asina utilidadnan por pasa kabel abou y pa stret e caminda.
Trafico ta wordo desvia via Katunastraat, Scopetstraat, Aloëstraat y Pitastraat pa asina subi Caya Ernesto Petronia.
Duracion di e ceramento di e caminda lo ta 1 luna.
En conexion cu e trabounan menciona Departamento di Obra Publico ta haci un peticion na tur automobilista pa no haci uzo di e camindanan menciona y ta pidi pa tene cuenta cu e inconveniencianan cu lo por surgi pa cual ta pidi disculpa.
