Home Carnaval SUPER Do it Center y Do it Center a tene su eleccion...

SUPER Do it Center y Do it Center a tene su eleccion di Reina

86
0
SHARE
- Advertisement -

ORANJESTAD (AAN): Diaranzon ultimo SUPER Do it Center y Do it Center a tene su eleccion di reina na Do it Center Camacuri den un tremendo ambiente. Un total di cinco candidata e reprensenta nan tienda cu nan bunita trahe yena cu creatividad y fantasia.

Tambe ta bon pa ilustra cu nan trahe a ser traha a base di producto recicla y cu ayudo di nan colega. Cada cinco candidata a duna un tremendo speech splicando nan trabao diaro mescla cu un mensahe carnavaslesco. E evento aki tabata netamente pa e empleadonan di SUPER Do it Center y Do it Center y tambe nan familiares of amistades. Na final Srta. Irma Olivir a sali reina popular y tambe reina di Do it Center 2019.

Nan prins y pancho di Aruba su carnaval 62 conhuntamente cu e banda D’licious a entretene tur esnan presente. Tambe propetario Sr. Kenneth Ponson a hiba algun palabra di gradicimento n’e trahadornan pa nan aporte n’e compania y na final a desea e publico presente un dushi anochi yena cu ambiente y alegria.

Por ultimo Super Do it Center y Do it Center kier a desea pueblo di Aruba un feliz weekend di Aruba su Carnaval 65. Gosa hopi pero sanamente y corda proteha nos muchanan pa cu rayo di solo y zonido fuerte.

- Advertisement -

DUNA COMENTARIO

Please enter your comment!
Please enter your name here