Home Comercio Super Food Plaza Cares Program ta haci donacion na fundacion Adopt an...

Super Food Plaza Cares Program ta haci donacion na fundacion Adopt an Addict

92
0
SHARE
- Advertisement -

ORANJESTAD (AAN): Super Food Plaza Cares Program recientemente a haci entrega di un cheque na balor di Afl. 30,266.35 na Fundacion Adopt an Addict. E cheque a ser otorga pa marketing manager di Super Food Plaza, Sr. Rudy Richardson y a ser ricibi pa e directiva di Adopt an Addict, Sra. Audrey Croes Lacle, Sr. Tielemans y Sra. Anne Witsenburg.

Fundacion Adopt an Addict ta yuda adictonan rehabilita door di manda nan na un centro di rehabilitacion na Santo Domingo. Ora cu e personanan recupera y bolbe Aruba, nan por keda pa un tempo limita den Cas Speransa, cu ta e half-way house di e fundacion, pa asina nan wordo reintroduci den nos comunidad.

Cas Speranza ta den necesidad grandi di un cushina nobo pa por prepara cuminda pa esnan cu ta bibando den e cas. Cu e suma aki cu a keda recauda, e fundacion lo por percura pa un cushina nobo keda instala den e cas y pa e motibo aki e fundacion a keda masha agradecido na e clientenan di Super Food Plaza.

Clientenan di Super Food Plaza por haci un donacion di minimo Afl. 1.75 y cu esaki nan por participa pa gana 3 gift card semanalmente. E prome premio ta un gift card di Afl. 1000, segundo premio un gift card di Afl. 500 y tercer premio un gift card di Afl. 250. Super Food Plaza ta pone e premionan disponible y tur fondonan recauda ta bay pa e fundacion cu ta na turno e luna ey. Tur dialuna ta tuma lugar un otro sorteo pa e campaña aki.

Den luna di Maart ta toca turno na Stichting BOB pa nos yuda recauda fondo p’e. E fundacion aki tin como meta pa screen e pechonan di tur hende muher na Aruba di edad entre 45 y 75 aña pa detecta trempan si por tin cualkier iregularidad cu por bira cancer.

Si detecta iregularidad den e pechonan trempan, esaki ta mehora e posibilidad pa resolve e problema cu uso di tratamentonan menos agresivo y menos intensivo. Stichting BOB ta purbando pa yega na un di dos machine pa haci mamografia.

Nos tur sa cu cancer di pecho tin frecuencia halto na Aruba, pues clientenan di Super Food Plaza ta keda invita pa sigui sostene e Super Food Plaza Cares Program y asina yuda haci algo contra di cancer di pecho.

 

- Advertisement -

DUNA COMENTARIO

Please enter your comment!
Please enter your name here