Home Gobierno Ta cumpliendo cu e compromiso di construi 200 cas pa aña cu...

Ta cumpliendo cu e compromiso di construi 200 cas pa aña cu Gabinete Wever Croes a pone su dilanti

356
0
SHARE
- Advertisement -

Minister Otmar Oduber: Casnan no mag di costa mas cu 1600 florin pa m2

ORANJESTAD (AAN): Minister Otmar Oduber tabata presente na e inauguracion di e proyectonan di cas pa hendenan grandi na Savaneta.

El a bisa cu desde aña pasa a inicia un relacion nobo cu FCCA. A reuni cu FCCA pa por a resolve diferencianan cu tabata tin den pasado, durante 8 aña cu no a traha casnan social na Aruba. Tambe e relacion cu tabata tin cu FCCA tabata den un situacion bastante deplorabel.

A cera un MOU y awor e proyectonan aki ta e fruto di loke ta cosechando for di loke a wordo planta for di e tempo ey, cu ta 32 plus 6 casnan of apartamentonan cu ta wordo entrega di e total di 176 cu a cuminza cu construccion aña pasa.

E aña aki tin casi 220 cas adicional cu ta bin acerca. Poco poco ta bay ta habriendo e diferente barionan aki cu a wordo crea door di FCCA, a señala.

Un di e aspectonan cu a pone enfasis ariba dje ta kier eleva e calidad di bida di esnan cu ta biba den e bario, a agrega.

Den dos siman lo habri e proyecto na Cunucu Abao y cu ta wordo entrega na diferente persona cu ta bay biba eynan.

Tin diferente proyecto andando na Santa Cruz, San Nicolas, Tanki Leendert, Paradera, entre otro.

Ta cumpliendo cu e compromiso di construi 200 cas pa aña cu Gabinete Wever Croes a pone su dilanti, Minister Oduber a expresa.

Casnan cu anteriormente tabata costa entre 2100 y 2200 florin pa meter cuadra pa wordo construi, aworaki tin un convenio cu e no ta mag di costa mas cu 1600 florin pa meter cuadra. E casnan cu ta wordo construi na Kividi ta costa bao di 1600 florin pa meter cuadra, a remarca.

- Advertisement -

DUNA COMENTARIO

Please enter your comment!
Please enter your name here