Home General Ta organiza eventonan unda tin aglomeracion di hopi hende y e lugar...

Ta organiza eventonan unda tin aglomeracion di hopi hende y e lugar mes no ta prepara pa atende cu emergencia

30
0
SHARE
- Advertisement -

Ferdinand Ponson, vocero di Cuerpo di Bombero

ORANJESTAD (AAN):  Ta asina cu Cuerpo di Bombero frecuentemente ta ricibi yamadanan indicando cu na cu diferente evento ta yena esakinan mucho hopi, y cu e hendenan ta sintinan insigur, pa cual Ferdinand Ponson, vocero di Cuerpo di Bombero ta splica mas di nan accionnan preventivo.

Ora cu bomberonan yega eynan, nan ta bin ripara cu en berdad nan ta pone hopi cos, p.e. bingo ta un actividad na unda cu bomberonan ta wordo yama hopi biaha pa nan.

Nan ta bay diferente hotel, diferente lugar, unda ta bay esaki. Y a ripara cu door cu e casino/hotel no tra traha pa e situacion aki, nan ta pone esaki di un manera cu nan pone e mesanan blokiando e via di escape, cerando e portanan, y den reglanan ta para cu esaki no ta permiti.

Si ta fiesta, bomberonan ta papia cu e organisadonan, pa asina informa nan cu tin demasiado hende. E ora securitynan no mag di laga mas hende drenta, y esunnan cu ta sali no mag di drenta bek.

Tin eventonan cu ta bin cerca bombero, pa asina bomberonan haci nan calculacionnan pa cuanto hende e evento por carga. Pero ora cu bomberonan yega eynan, nan ta ripara cu e fiesta ta ‘full overbelast’, e ora ta bay over na saca e hendenan cu ta di mas na e luga. ta pidi pa e organisadonan tene cuenta cu esaki, ya cu ora cu tin hopi hende asina, si algo pasa ta dificil pa saca e hendenan di un manera safe for di e luga, pa nada no pasa niun hende.

Ponson a sigui bisa cu ora cu e mapa di evento yega cerca bomberonan, nan ta pone tambe kico tur e organisadonan tin cu tene cuenta cun’e. Tur cos ta basa ariba m2, cuanto hende e por carga maximo.

E ultimo dianan aki tin hopi evento cu ta wordo organisa, vooral e bingonan cu ta wordo organisa hopi, e grandinan na Aruba, e generacion nobo tur ta bay esaki, e ta algo cu ta atrae nan, pero e mester bay na un manera sigur.

Den caso cu si nan yega na un evento, unda cu e evento tin hende di mas, ta pidi pa saca hendenan. Ora di bingo ta pidi tur hende pa reorganisa full e luga, ora di fiesta bailable, ta informa e organisadonan, cuanto hende maximo e luga por carga y si nan bende carchi di mas, e ta bay cay bou di nan responsabilidad.

- Advertisement -

DUNA COMENTARIO

Please enter your comment!
Please enter your name here