ORANJESTAD (AAN): Diasabra merdia pa 12:29 pm, un temblor basta fuerte a wordo sinti den casi tur distrito na Aruba.
Hendenan a sinti murayanan ta tembla. Otronan a wordo sacudi den nan stul. Tin cu a sinti con e spannan di dak, y tambe bentana tabata tembla basta rato.
Normalmente ta haya informacion di e intensidad y localidad di e epicentro, via fundacion Funvisis di Venezuela. Sinembargo debi na e apagon na e pais ey, y e hecho cu varios seismograms ta offline y sin coriente, a dificulta e proceso pa haya sa con fuerte e temblor tabata riba scala di Richter.
Na Aruba tambe tabata conoci cu Departamento Meteorologico a instala 3 seismograms, y cu nan ta pone e dato aki riba internet pa por mira. Pero desde cu e ex-Director di Meteo a bay, ya no por mira nan mas riba e website di Meteo. Pa colmo, ni Meteo tampoco a duna ningun detaye di e temblor di Diasabra merdia.
Un suplica ta bay na Ministro Romero pa check si acaso por pone e informacion di Seismograms di Aruba bek online, pa garantiza transparencia den tur cos.
