Home Salud Un cambio den bo estilo di bida di un persona diabetico por...

Un cambio den bo estilo di bida di un persona diabetico por yuda mehora e resistencia pa insulina

42
0
SHARE
- Advertisement -

Dr. Sharline Vis, Presidente di Fundacion Diabetes Aruba

ORANJESTAD (AAN):  Ta existi e posibilidad di cura of di un mehora den e personanan cu ta sufri diabetes? Esey ta un di e preguntanan cu a haci na Presidente di Fundacion Diabetes Aruba (FDA) Dr. Sharline Vis.

El a bisa cu ora un persona cambia su estilo di bida, baha peso, come saludabel. Diabetes tipo dos su problema mas grandi ta e resistencia pa insulina. E curpa ta traha insulina, djis cu e receptornan di insulina den e curpa, no ta disponibel door cu nan ta wordo ‘gehackt’ door di otro hormonanan, por ehempel e ‘vet hormonen’.

“Si bo logra pa baha bo vet viseral significante por pasa cu na cierto momento, e receptornan ey ta bira available bek pa insulina y cu e sucu ta wordo mihor usa door di e celnan di e curpa”, e medico a remarca.

Pesey kier stimula hende pa bin cu un bon ‘life style’, pasobra tin biaha e uso di remedinan por bira menos tambe. Un bez cu un persona wordo diagnostica cu diabetes, esey kiermen cu bo tin un vulneralibilidad pa e malesa, a indica.

Si e persona a logra cu e bon estilo di bida pa mehora su condicion, cu por te hasta e no mester remedi, mester keda monitor su sucu y e mester keda cu e bon “life style”.

- Advertisement -

DUNA COMENTARIO

Please enter your comment!
Please enter your name here