Home Enseñanza Universidad di Aruba ta haya facultad nobo dirigi riba tecnologia y sostenibilidad

Universidad di Aruba ta haya facultad nobo dirigi riba tecnologia y sostenibilidad

175
0
SHARE
- Advertisement -

Firmamento di acuerdo di SISSTEM:

ORANJESTAD (AAN): Diamars 26 di maart 2019 tabata un gran dia. Gabinete Wever-Croes a firma e acuerdo di SISSTEM, e facultad nobo na Universidad di Aruba dirigi riba e materianan tecnico STEM (Science, Technology, Engineering y Mathematics) y sostenibilidad.

E acto di firmamento a tuma luga na Universidad di Aruba. Presente tabata Parlamentarionan Rocco Tjon, Endy Croes y Setty Christiaans-Yarzagaray, Minister Xiomara Ruiz-Maduro, Minister Armando Lampe, Prome Minister di Aruba Evelyn Wever-Croes,

 

Prome Minister di Sint Maarten Leona Marlin-Romeo, miembronan di Universidad di Aruba, representantenan di Union Europeo, representantenan Nacionnan Uni, y otro invitadonan di Caribe entre otro.

13 MIYON EURO FOR DI FONDO EUROPEO

Entrante september por brinda studiantenan e specialisacion nobo aki. Aruba ta haya 13.05 miyon Euro for di Fondo di Desaroyo Europeo pa realisa e proyecto aki. Esaki, Prome Minister a enfatisa, no ta un fiansa, sino un regalo. Den hopi aña nos enseñansa no a haya un inversion asina grandi.

Na e ocacion aki, Prome Minister a entrega un discurso cuminsando pa bisa cu ta un honor grandi pa por finalisa e acuerdo pa e facultad nobo aki cu ta un programa unico di e tipo aki den nos region, e programa SISSTEM.

No ta un secreto cu nos tin hopi trabou pa haci riba e tereno di avansenan tecnologico. Pa Gobierno di Aruba ta un prioridad pa desaroya solucionnan innovativo cu nos pais mester pa adresa e desafionan cu economia di islanan chikito ta enfrenta riba e tereno di gobernacion, cambio climatico, y sostenibilidad a largo plazo.

Pa e motibo aki, Gabinete Wever-Croes ta enfoca riba inversion di innovacion pa pone e ser humano central dunando nos hendenan e herment, ekipo y recursonan necesario pa diseña solucionnan creativo y crece. Innovacion ta necesario pa un futuro cu ta rekeri pa nos ta mas resiliente pa tin un mentalidad innovativo pa acepta cambio.

Cu esaki den mente, ta importante y necesario pa Aruba tin un facultad manera SISSTEM. Cu e facultad aki tambe, nos ta kere firmemente cu e gab di genero cu ta existi den e industrianan STEM, lo wordo reduci na nos pais como tambe den region.

Programanan manera SISSTEM ta necesario pa encurasha hende muhe pusha limitenan invisibel y kibra e mentalidad stereotipo cu mayoria biaha ta domina den e industrianan aki. P’esey ta importante pa encurasha diversidad y inclusion den e tereno di STEM pa di berdad obtene solucionnan sostenibel pa un miho desaroyo.

Gobierno di Aruba ta trahando riba crea mas oportunidad den innovacion y sostenibilidad pa nos hobennan y asina crea nos lidernan pa futuro! Pabien ta bay na Aruba henter cu e proyecto aki.

 

 

- Advertisement -

DUNA COMENTARIO

Please enter your comment!
Please enter your name here