Home Policial Warda Costa a patruya mas intensivo fin di siman

Warda Costa a patruya mas intensivo fin di siman

755
0
SHARE
- Advertisement -

ORANJESTAD  (AAN) — E periodo di carnaval ta conoci pa ta un periodo cu aumento di actividadnan ilegal riba lama. Botonan cu hopi persona abordo ta purba yega Aruba mas frecuente.

E personanan ilegal ta purba yega tera y hopi biaha nan tin arma y droga hunto cu nan. Asina cu nan ta na tera e armanan y droga ta forma un peliger pa nos comunidad. Warda Costa ta traha duro pa por brinda costanan y lama liber di practicanan ilegal.

Den pasado e temporada di carnaval a wordo usa regularmente como un periodo cu botonan ta purba yega nos costa. Pesey Warda Costa a patruya mas intensivo durante fin di siman.

E unidadnan tabata muchu mas visibel riba lama y e avionnan tambe a patruya mas frecuente.

Warda Costa a ricibi colaboracion di Defensa tambe den forma di Zr.Ms. Zeeland, cu a patruya den nos awanan. Un yamada ta bay ainda na comunidad cu  personanan alerta por meld casonan sospechoso riba lama riba e number 913 cu ta disponibel 24/7.

 

 

- Advertisement -

DUNA COMENTARIO

Please enter your comment!
Please enter your name here