Home General Ya caba 36 famia ta bibando den e proyecto di casnan di...

Ya caba 36 famia ta bibando den e proyecto di casnan di FCCA na Savaneta

128
0
SHARE
- Advertisement -

Un inversion total di mas cu 4 miyon florin

ORANJESTAD  (AAN):  FCCA a inaugura oficialmente un otro bunita proyecto di cas di huur ye biaha aki situa den e distrito di Savaneta.

E proyecto aki ta un proyecto cu a inicia na 2017 y caminda FCCA a opta pa desaroya un otro proyecto pa personanan di 55 aña y mayor (55-). E proyecto aki ta conta cu 42 cas di un camber pa personanan cu ta biba nan so o cu nan parcha.

E grandura di e casnan ta varia entre 36.3 m2 y 50.2 m2. Den e proyecto aki FCCA a tene cuenta cu personanan mayor cu por y kier sigui independiente. Den e afan pa por yuda mas tanto grupo di persona posibel, FCCA a tene cuenta tambe cu e grupo di 55+ cu tin limitacion pero cu apesar di nan limitacion a aplica pa un cas di huur.

Pa e personanan aki FCCA a construi casnan special adapta na nan limitacion cu nan por tin p.e. personanan den rolstoel.

Pa garantisa e seguridad di cada un habitante, FCCA a sera e tereno rond die casnan aki, mescos tambe a traha parkeerplaats pa tur cas. E casnan tur a haya colornan alegre y a wordo construi segun e sistema di diferente unidad di cas bao di e mesun dak.

E otorgamento di casnan aki a bay segun el sistema di inscripcion y otorgamento di cas di FCCA.

Actualmente 36 famia ta bibando den e proyecto aki y pronto FCCA lo termina cu ultimo 6 apartamentonan cual apartamentonan tambe lo ta destina pa personanan di 55 aña y mayor cu por biba independiente.

E proyecto ta un inversion total di Afl 4.205.176,00 cual suma ta encera e gastonan di construccion di un total di Afl. 3.508.285,00 y gasto di infrastructura cual a costa total Afl. 696.892,00. E construccion tabata den man di Coburg Construction & Consulting N.V

Asina aki FCCA conhuntamente cu gobierno di Aruba ta sigui ofrece casnan adecuado y pagabel na esnan cu ta buscando vivienda den barionan sigur y bon cuida.

E vision ta pa promove y hisa e nivel di bida den e barionan atraves di promove unidad y respet entre tur habitante den e barionan di FCCA y cu e proyecto aki  ta demostra un biaha mas cu ta sigui cumpli cu e vision cu  tin pa e pueblo Arubiano.

- Advertisement -

DUNA COMENTARIO

Please enter your comment!
Please enter your name here