Home arte y espectaculo 28 hoben hopi bon prepara, a participa den competencia Arte di Palabra

28 hoben hopi bon prepara, a participa den competencia Arte di Palabra

68
0
SHARE
- Advertisement -

Stanley Dabian hopi entusiasma:

ORANJESTAD (AAN) – E competencia Arte di Palabra, den su 11 edicion, a tuma lugar den e fin di siman aki, den Cas di Cultura.

Den entrevista cu Stanley Dabian, el a expresa gran satisfaccion pa e forma con e evento aki a bay y e presentacion cu e hobennan, di diferente scol, a duna.

Tabata tin poesia ya existente y poesia propio y e evento aki ta creciendo cu un entusiasmo halto den e publico. Departamento di cultura ta hopi contento cu proyecto aki, y di mira con e hobennan ta desaroyando mirando cu aña pa aña tin mas cu ta participa y hobennan cu a participa caba a bolbe competi pa wak si nan ta bolbe gana.

E competencia aki ta specialmente pa scolnan avanza, pa stimula lesamento y literatura, y bon uso di Papiamento.

E comision organizador cu ta consisti di Departamento di Cultura, Ministerio di Cultura y e grupo corector, ta reconociendo e Radio Bo Guia cu ta haci hopi programa local y ta duna hopi apoyo na loke ta di Aruba. Tambe Tele Aruba cu su programa “Mente Inteligente” ta haya un reconocimento, ya cu e ta un instrumento cu ta yega na nos muchanan y nan ta siña hopi di Aruba su cultura cu ta bal la pena.

Damian a expresa cu e ta hopi contento con su coleganan ta cargando e proyecto aki, y e seccion di Implementacion a traha hopi duro riba dje, bao guia di sra. July Emerencia, ken ta lidera e proyecto aki hunto cu algun persona di e seccion di implementacion y documentacion.

E director di DCA tambe ta para cien porciento tras di e proyecto Arte di Palabra, y tambe John Freddy Montoya cu a duna e hobennan dos dia di tayer excelente, y ken tin un manera di anda cu e hobennan pa crea dinamismo den nan, y con nan ta presente, duna nan tecnica di articulacion, con pa hala rosea y move, algo cu e muchanan tambe ta gusta.

Un total di 28 hoben a participa. Interesante ta cu e mesun anochi aki tabata tin e competencia na Curacao y na Bonaire, kiermen Arte di Palabra tabata den su briyo total y e ganadornan di e Islanan lo participa den e competencia ABC cu lo tuma lugar e proximo 18 di Mei. E expectativa tabata grandi pasobra e ganadornan por logra localmente y tambe den e competencia ABC.

 

- Advertisement -

DUNA COMENTARIO

Please enter your comment!
Please enter your name here