Home Policial 66% di muchanan usador di marihuana ta yiu di mama soltero

66% di muchanan usador di marihuana ta yiu di mama soltero

3353
0
SHARE
- Advertisement -

Vocero di KPA Lito Lacle:

ORANJESTAD (AAN) – Inspector Loto Lacle, vocero di Cuerpo Policial, tambe a tuma parti den e conferencia di prensa di Fundacion Anti Droga Aruba (FADA), y el a señala cu benta y consumo di marihuana (Cannabis) na Aruba, ta ilegal.

Lacle a duna di conoce cu aña pasa nan a duna un total di 119 charla na scolnan pa alumnonan den edad entre 6 pa 18 aña.

E funcionario policial a referi na un psicologo  yama Erik Erikson cu ta bisa cu e confianza di e mucha entre seis cu 12 aña ta hopi importante, y cu entre nan 12 pa 18 aña nan ta buscando nan identidad propio.

Durante e lecturanan cu KPA ta dunando, ta resalta cu ora e mucha yega nan hogar pa 2’ or di atardi no tin presencia di mayor na cas. E ora ey e confianza nan ta buske cerca otro hende, e mucha riba stupi of cualkier hende cu nan ta topa na caminda, entre 2 pa 6 or di atardi.

Sr. Lacle a subraya cu 66% di e muchanan cu tin problema cu adiccion, ta yiu di mama soltero y eynan mester enfoca e situacion.

Tambe el a indica cu mester siña e mayornan con pa deal y negocia cu e muchanan. El a señala cu tur hende cu ta adulto awendia a rebeldia den e edadnan menciona, y tur cu ta mayor mester negocia cu nan yiunan y haci estudio riba cierto temanan.

Si e tema ta marihuana studia e tema bon pa ora e mayor papia cu su yiu, debati riba dje e tema aki y yega na un consenso. Hopi di e muchanan si ta haci nan research y si mayor no informa bon su mes ta keda manera “kens” banda di e yiunan.

Si mayornan no ta haci di nan banda, otro hende lo bira role model di nan yiunan.

E funcionario a subraya cu KPA ta depende di informacion di pueblo mes pa haci cierto informacionnan, por ehemplo, na unda por tin plantacion di marihuana.

Pero tambe KPA ta depende di Ministerio Publico si e ta haya suficiente pa bay over na haci un onderzoek.

Lacle a duna di conoce tambe cu otro siman nan lo haya cifra di cuanto droga ta wordo confisca y cuanto hende ta keda deteni.

- Advertisement -

DUNA COMENTARIO

Please enter your comment!
Please enter your name here