Home Parlamento A confirma cu AVP a hinca Aruba den 1000 MIYON di debe...

A confirma cu AVP a hinca Aruba den 1000 MIYON di debe na klinker y nada pa e ser humano

401
0
SHARE
- Advertisement -

Parlamentario Endy Croes: Diabierna ultimo Parlamento a trata Social Crisis Plan

ORANJESTAD (AAN): Parlamentario Endy Croes a splica cu diabierna ultimo Parlamento di Aruba a trata Social Crisis Plan den un reunion cu a dura 12 ora y a termina te cu algo pasa di 8 pm.

Durante e reunion aki Minister di Asuntonan Social y Labor Glenbert Croes a bin Parlamento pa trata e promer kwartaal rapportage di e Social Crisis Plan.

Mester duna Minister Glenbert Croes un palabra di pabien y sigur e Team di expertonan den e cadena social kendenan a trece un rapportage sublime, hopi detaya con tur cos ta canando.

Manera nos tur por corda desde november 2017 cu e gobierno nobo a tuma rienda di e pais, Aruba a encontra cu e gran cantidad di sorpresanan desagradabel.

No mester papia mes di e Mega Debe y e desaster financiero y un Aruba na rand di bancarota. Banda di esaki un Crisis Social di problemanan cu no tabata ricibi atencion primordialmente pa falta di placa.

E masacre di Mike Eman

Parlamentario Endy Croes a sigui splica cu Mike Eman y AVP conscientemente a scoge pa laga e departamentonan social sufri y laga e ser humano sufri mientras Mike Eman y su gang tabata masacra Aruba cu tur sorto di construccion.

Durante dicho reunion Parlamentario Croes a mustra publicamente un rapport di Algemene Rekenkamer data 10 di januari 2018. Claramente por a prueba cu e rapport aki e vision di Mike Eman y AVP, esta corupcion na gran escala.

E rapport aki ta confirma cu Mike Eman su plan tabata pa endeuda Aruba cu 1.6 BIYON esta 1600 MIYON na proyectonan di klinker y construccion mientras nada tabata wordo presupuesta pa e ser humano, esta e hende cu mester ta central. Nada pa e departamentonan social kendenan tabata sclama pa ayudo pa asina por transmiti e ayudo na pueblo.

E rapport a indica tambe cu 1000 MIYON na proyectonan “is al gegund”, pues a wordo duna caba door di Mike Eman y Benny Sevinger.  Cu rason Mike Eman a grita den Parlamento cu e ta orguyoso di e debe y e debe t’ey pa nos tur bay pag’e den futuro.

Berdad ta cu el a firma bay gol sin tene cuenta con lo paga tur esakinan. E gobierno nobo tin su mannan yen cu creatividadnan enorme pa cumpli awor cu e desaster cu Mike Eman y AVP a hinca nos aden.

 

Crisis Social tin nomber y fam

Parlamentario Endy Croes a puntra fraccion di AVP durante e reunion si nan por drumi trankil anochi ora nan yega cas mirando bagamunderianan cu nan a sostene e tempo aya den Parlamento.

Fraccion di AVP  a bandona sala riba e pregunta aki  y no por a wanta e presion momento cu tur e hefenan di departamentonan di e cadena social tabata presente den sala y por a mira nan den nan cara.

Pues e Crisis Social tin su nomber y fam, esta Mike Eman y AVP kendenan ta esnan cu a scoge pa “habacra” Aruba cu proyecto y a lubida intencionalmente e departamentonan social y e ser humano.

Segun Parlamentario Croes esaki ta pasobra den construccion y bendemento di tereno (cual porcierto ta bao di investigacion) tabata tin MIYONES di pueblo pa Mike Eman y su team corupto di AVP.

Danki na Gabinete Wever Croes y Minister Glenbert Croes kendenan tin nan curason na e lugar corecto Parlamento a aproba nan peticion di algo mas di 34 MIYON pa asina por inverti esaki di inmediato den departamentonan social pa cuminsa brinda e ayudo tan anhela y cuminsa saca Aruba for di e Crisis Social cual ta azotando nos Pais.

Pabien na e profesionalnan cu a presenta un reportahe asina bon documenta. Parlamentario Croes ta termina bisando cu un cos ta sigur Mike Eman y AVP nunca pero nunca mas!!

- Advertisement -

DUNA COMENTARIO

Please enter your comment!
Please enter your name here