Home General AHATA, KPA y Studiantenan boluntario ta participa den campaña pa cuida nos...

AHATA, KPA y Studiantenan boluntario ta participa den campaña pa cuida nos medio ambiente

7
0
SHARE
- Advertisement -

ORANJESTAD(AAN): Diaranzon Vanessa Rasmusen di AHATA a hasi un invitacion na tur esnan cu ta bay campa, pa participa na e campaña di AHATA, cu ta pa Cuida Nos Medio Ambiente durante Siman Santo.

“E aña aki atrobe Cuerpo Policial di Aruba hunto cu e comision di medio ambiente di AHATA ta traha hunto ta concientiza tur esnan cu ta bay campa y ta hasi uso di nos beachnan durante Siman Santo”.

“Nos comision di medio ambiente ta bay bishita e diferente areanan di campamento, pa invita tur hende pa participa na e campaña”.

“Tambe los lo recompensa esnan cu hasi nan best”.

Esaki segun Rasmusen, kende a sigui bisa cu ta bay tin un grupo di jurado cu lo bishita e areanan di campamento den siman of weekend.

Nan ta bay scoge e top 10 campamento.

Aña pasa e campaña a wordo hasi pa e areanan di campa na Noord y Playa, pero e aña aki e ta bay ta completo, esta di San Nicolas pa Arashi.

Rasmusen a splica cu esaki ta danki tambe na e ayudo cu nan ta ricibi for di studiantenan boluntario di Universidad di Aruba y EPI Horeca.

Un di e boluntarionan aki ta Ivan Ponson, un studiante di Universidad di Aruba.

Durante e conferencia di prensa el a indica cu e ta haya cu hubentud di Aruba por mehora su participacion den mantencion di nos medio ambiente na Aruba.

El a indica cu no ta solamente e adultonan tin cu ta encarga cu cuido di e beachnan di nos dushi isla.

E hoben a bisa tambe cu mirando cu e y diferente di su coleganan  a ripara e problemanan serio cu uso di plastico ta causa riba nos isla, nan a dicidi di yuda den e campaña aki.

Banda di concientiza esnan cu ta campa pa no laga sushedad atras y no causa daño na e beachnan, Ivan a indica tambe cu mirando cu den e periodo aki hopi turtuga ta nace riba nos beachnan, mester tene cuenta cu esaki.

Un cos cu ta hopi importante ta cu mester purba di no cende hopi luz riba e parti di beach cu ta bayendo for di laman, pasobra e turtuganan baby lo wordo confundi.

En bez di bay den direccion di e luz di luna cu ta guia nan pa drenta laman, nan lo sigui e luznan di auto of lampi etc. y subi caminda.

 

- Advertisement -

DUNA COMENTARIO

Please enter your comment!
Please enter your name here