Home Turismo AHATA regularmente tin reunion cu miembronan pa comparti ‘best practices’ cu ta...

AHATA regularmente tin reunion cu miembronan pa comparti ‘best practices’ cu ta yuda medio ambiente

22
0
SHARE
- Advertisement -

Vanessa Rasmussen

ORANJESTAD (AAN):  Vanessa Rasmussen di Aruba Hotel and Tourism Association (AHATA) a duna di conoce den entrevista cu DIARIO cu nan ta hopi contento cu e ley pa prohibi material di plastic.

A indica cu esaki ta un medida necesario cu a tuma lugar ya cu no por sigui haci uso di plastic. Tin diferente opcion cu por wordo uza y no mester warda te ora e ley bin na vigor. Por cuminza for di awor pa custumbra haci uzo di productonan reciclabel.

Na AHATA nan ta keda duna informacion na e miembronan tocante e ley cu ta bin na vigor. Mayoria di miembro, a señala, ya caba no ta haci uzo di ‘straws’ di plastic y ta haciendo uzo di esunnan di papel.

AHATA te kere cu tur negoshi mester cuminza haci esaki pasobra no ta solamente responsabilidad di un grupo, pero responsabilidad di un y tur, como compania, como individuo.

Algo cu lo yuda hopi pa e negoshinan por haci esaki posibel mas lihe ta e reduccion di ‘import duty’ pa productonan alternativo pasobra aworaki nan ta caro, a remarca.

AHATA su comision di medio ambiente ta tene reunionnan pa luna cu e miembronan di e comitenan y ta comparti cu nan e bon practicanan. Den cada reunion ta invita e companianan cu ta miembro pa nan bisa kico nan ta haci pa reduci uzo di coriente, awa of uzo di plastic.

Dos siman e ultimo reunion a tuma lugar y e ‘best practices’ cu nan a comparti ta ariba e sistema computariza pa comunicacion entre departamentonan y pa evita e desperdicio y mal uso di papel, a señala.

Rasmussen a finaliza bisando cu nan departamento di medio ambiente ta trahando ariba e website y cu nan anuncionan ariba facebook pa asina duna informacion na comunidad.

 

 

 

- Advertisement -

DUNA COMENTARIO

Please enter your comment!
Please enter your name here