Home Parlamento Aruba a scoge pa un nivel di politica diferente

Aruba a scoge pa un nivel di politica diferente

47
0
SHARE
- Advertisement -

Hendrik Tevreden:

ORANJESTAD (AAN): Durante e conferencia di prensa di tur Dialuna di fraccion di MEP, parlamentario Hendrik Tevreden a bisa cu e ta contento pa wak cu durante e manifestacion di partido AVP riba 12 di April, no tabata tin ningun incidente.

“Sinembargo, mi tin cu bisa cu den mi opion riba 12 di April Aruba a rechaza e liderazgo manipulative y di division”.

“Den esaki mi ta kere cu nos ta riba bon caminda cu e ideologia y pensamento cu nos ta trece den prensa”.

“Nos mester ta democratico, pero nos mester tin respet pa otro”.

“Manera cu nos a categoriza e maracha aki for di cuminzamento caba cu e no ta hustifica y e no tin un causa specifico, pero asina mes e ex lidernan a scoge pa manipula y purba di dividi”.

“Sinembargo, e resultado a duna nos un satisfaccion, mustrando cu pueblo ta mas conciente”, segun Tevreden, kende a sigui bisa cu Aruba ta scoge pa un nivel di politica diferente.

“Nos for di Parlamento ta determina pa pone esaki den practica, pero mas ainda pa nos por biba tambe locual nos ta predica”.

Esaki segun Tevreden, kende a enfatiza cu tur lider den e comunidad ora cu nan lidera, mester tin den mente pa yuda un otro persona pa ta mihor cu bo.

“Semper bo mester tin den mente cu bo tin cu pone un direccion concreto, semper bo tin cu propone un vision cu hende por carga y tambe cu bo ta crea algo cu pa mehora e comunidad aki”.

“Ta e cambionan aki nos kier mira y pesey nos ta bin den prensa y ta spera tur cooperacion di prensa di Aruba pa hiba e mensahe pa educa pueblo y hisa e pensamento y e forma di actua di nos pais, na un nivel mucho mas halto”.

Esaki segun e parlamentario di MEP.

 

- Advertisement -

DUNA COMENTARIO

Please enter your comment!
Please enter your name here