Home Salud Aruba Health Fair ta un combinacion di tayer y “main stage” pa...

Aruba Health Fair ta un combinacion di tayer y “main stage” pa cubri tur informacion

29
0
SHARE
- Advertisement -

Merrel Curie:

ORANJESTAD (AAN) – Durante e conferencia di prensa convoca pa AZV, relaciona cu e Feria di Salud cu lo tuma lugar dia 8 di Juni venidero, Merrel Curie a elabora tocante e contenido di e evento aki.

El a splica cu ta bay tin un combinacion di tayer di trabao cu “main stage” y e intencion ta pa duna cobertura na temanan di salud, di actualidad y cu ta puntonan di enfoke na diferente forma.

Lo bay tin oradornan y tambe un panel di discusion eynan mes. Personanan di e publico cu tin pregunta tocante un tema, ta bay haya personanan presente, den e escenario principal, pa contesta na un forma hopi interactivo.

Tocante e main stage (escenario principal). Esaki ta un plataforma na unda e profesionalnan kier duna informacion inicialmente di AZV. Nan lo papia tocante aanspraak y con e aspecto di reclamo ta funciona, lo splica riba e procesonan, y tambe lo trata temanan manera kico AZV ta wak den Aruba su demografia, edad di e poblacion, estado di salud y kico esaki ta nifica pa e cuido medico, kico tin pa cada ciudadano como contribuyendo na e fondo di AZV, y con e pueblo mes por yuda AZV na maneha e sector medico.

Ademas lo papia tocante cuido en general y con esaki ta organiza, kico ta e plannan pa futuro, y lo enfoca riba “prome linea” pues tur locual no ta regarda specialista ni hospital, ki importante esaki tin y ki caminda mester cana den e caso aki y pakico e pacient ta prefera di keda eynan ora e ta wordo referi na hospital of specialista. Lo pone enfoke tambe riba cuido di grandinan, kico ta na caminda, pakico ta importante pa esaki ta regula door di AZV, y kico ta e retonan cu ta bay tin como poblacion pa esaki.

E tema di prevencion tambe lo haya su espacio. Sra. Curie a subraya cu manera nos tur sa, AZV ta enfoca riba e aspecto curativo, pero AZV a constata, entre tanto, cu un di e maneranan pa controla e gastonan di cuido y tambe pa yuda e asegurado tin mihor calidad di bida, ta pa duna informacion tocante prevencion y kico tur tin accesible na Aruba mes encuanto esaki.

 

 

- Advertisement -

DUNA COMENTARIO

Please enter your comment!
Please enter your name here