Home General Arubianonan por bira mecanico di aviacion den Scol di Mecanico di Aviacion...

Arubianonan por bira mecanico di aviacion den Scol di Mecanico di Aviacion na Bonaire

1391
0
SHARE
- Advertisement -

Cu estudio na nivel Europeo:

ORANJESTAD (AAN) – Jacinto Frans, di e scol di mecanico di avion na Bonaire, ta di bishita na Aruba, y el a splica cu den e scol aki nan ta duna les na nivel europeo.

E encuentro aki a tuma lugar na Stichting Rancho, ya cu el a wordo invita pa sr. Clifford Rosa, pa e bin duna les na e miembronan di e stichting.

Jacinto Frans a duna un presentacion tocante con nan ta prepara mecaniconan di avion riba nivel europeo, pero locual ta principal ta cu e kier a mustra cu e studiante Arubiano no necesariamente tin cu bay Hulanda, pa haya e mesun educacion cu tin den e region.

El a splica cu den e caso aki e educacion cu e scol aki ta duna ta na mesun nivel di Hulanda, pero na Bonaire.

E scol tin diez aña di existencia y nan a genera 50 mecanico di avion caba, tanto di Bonaire como di Corsow, Aruba, Sint Maarten, Haiti y Colombia, y mayoria di nan ta trahando na Europa.

Jacinto Frans a menciona cu Stichting Rancho hunto cu e Stichting di e scol di aviacion, cu ta sali na vanguardia di e studiantenan, yega na un acuerdo pa e Arubianonan bay studia pa mecanico di aviacion na Bonaire.

E scol ta na nivel MBO den e rama di aviacion. E estudio no ta facil pasobra den dos aña y mey ta realiza un estudio di cuater aña. Na e momentonan aki un estudio haci pa Boeing Corporation a indica cu te aña 2032 lo bay tin mester di 660 mil mecanico di avion na mundo, mientras cu na Hulanda (como ehemplo) solamente ta genera 16 pa aña. E scol aki ta yuda nan cu algun profesional mas den Reino.

- Advertisement -

DUNA COMENTARIO

Please enter your comment!
Please enter your name here