Home General Ata ta bay tin un expo na beach, pa yuda cu concientizacion

Ata ta bay tin un expo na beach, pa yuda cu concientizacion

41
0
SHARE
- Advertisement -

ORANJESTAD(AAN): ATA ta un di e instancianan cu ta participa na un accion di concientizacion pa loke ta e temporada di campamento.

Durante un conferencia di prensa Diaranzon, Isha Kock di ATA a conta un tiki di nan campaña cu yama Ban Serio.

“Boso ta conoci caba cu nos den Carnaval, caminda cu nos ta purbando di hasi mas tanto activacion cu ta tangible, cu hendenan por experiencia y aporta na e causa aki”.

“Nos tin mesun idea y obhetivo cu Serlimar, esta concientiza hende di e producto cu nan ta trece na laman y ki efecto esaki por tin riba nos beachnan y e bida marino”.

Esaki segun Kock, kende a indica cu ATA pa logra esaki ta bin cu 3 actividad.

Uno ta cu ATA ta bay papia Online riba nan canal di social media cu yama Ban Serio Aruba, unda cu continuamente bo por haya tips riba con pa reduci y con  pa evita pa meterialnan dañino drenta nos awa.

“Banda di esaki nos a bin cu e idea tambe di keda traha video, pasobra nos sa cu  esaki tin un acogida hopi facil y amplio”, segun Kock, cu a haya ayudo den esaki tambe di Cuerpo Policial.

ATA a traha tres diferente video pa yuda cu e concientizacion, incluyendo riba con pa parkeer den areanan di campamento.

ATA ta bay bin tambe cu un expo, unda cu nan ta bay tin un structura grandi di 7×7 meter, cu tin diferente camber.

Cada biaha bo drenta un camber bo ta bay haya informacion cu ta yuda educabo, pa wak kico nos ta hasiendo cu nos beachnan awendia.

E expo ta bay ta gratis pa tur hende y ta bay ta na Arashi, Eagle Beach y Baby Beach.

Esaki ta bay ta dia 20, 21 y 22, di 1’or te cu 5’or di atardi.

 

 

- Advertisement -

DUNA COMENTARIO

Please enter your comment!
Please enter your name here