Home Deporte Atleta Ocean van Loon ta gana e trofeo High Point durante e...

Atleta Ocean van Loon ta gana e trofeo High Point durante e Stingray Challenge 2019

13
0
SHARE
- Advertisement -

ORANJESTAD (AAN) – Durante fin di siman, e landado Ocean van Loon a gana e trofeo “High Point” den su categoria di edad 9-10 aña.

Ocean a landa 8 disciplina na unda el a logra gana oro riba tur 8 durante di e Stingray Challenge cu a tuma lugar den fin di siman cu a pasa.

E 8 disciplinanan di cual el a sali e ganador absoluto tabata: 200 meter IM Individual Medley, 50 meter Butterfly, 50 meter Back Stroke, 50 meter Free Style, 50 meter Breast Stroke, 100 meter Back Stroke, 100 meter Butterfly y 100 meter Free Style.

Den tur diciplina e la logra baha su tempo significantemente. Cu orguyo el a ricibi su trofeo di Alto Puntuahe na final di e competencia anual di Stingray Challenge 2019.
Ocean su disciplina preferi ta 50 meter Butterfly.

El a kibra e record aki den su categoria di edad durante di e ADI (Aruba Dolphins Invitationals) contra varios pais di Caribe. Su tempo actualmente ta 35.17 seconde.

E tin hopi speranza pa sigui e pasonan di olimpiada Mikel Schreuders (Aruba) y Michael Phelps (USA) bow di guia di e coach principal Ismael Santiesteban Espinosa di Stingray Swimming team.

- Advertisement -

DUNA COMENTARIO

Please enter your comment!
Please enter your name here