Home Policial Autoridad local a confisca como 827.000 Euro for di pasahero Surinameño

Autoridad local a confisca como 827.000 Euro for di pasahero Surinameño

695
0
SHARE
- Advertisement -

ORANJESTAD (AAN): Riba Diabierna 12 di April cu a pasa, tabatin un pasahero na Aeropuerto Internacional Reina Beatrix cu tabata viahando desde Suriname pa Miami.

Autoridadnan a ripara caba cu e persona aki tabata mas bula hopi biaha riba e ruta di Suriname y Merca cu cantidad hopi grandi di cash. E pasahero tabatin Diabierna pasa e suma di 827.000 Euro cune, esta 1.6 miyon Florin.

Riba peticion di autoridadnan na Hulanda, Afpakteam di Aruba conhuntamente cu Grenspolitie di Aruba a pone beslag riba e placa aki.

Tur e placa cu a worde tuma den beslag ta cay pa e Fondo di Combatimento di Criminalidad (Criminaliteitsbestrijdingsfonds). Lo mester haci afspraaknan tocante esey, mirando cu e placa a worde tuma den beslag pa autoridadnan di Hulanda. Placa for di e Fondo di Combatimento di Criminalidad ta worde usa pa combati criminalidad. E placa cu Afpakteam ta haya ta cay directamente na favor di Aruba. Afpakteam kier aporta na esaki na un forma visible.

Afpakteam ta un cooperacion entre Ministerio Publico, Cuerpo Policial di Aruba, Aduana, Fiot (Fiscale inlichtingen- en opsporingsteam) di DIMP (Departamento di Impuesto), FIOD (Fiscale Inlichtingen- en Opsporingsdienst), KMar (Koninklijke Marechaussee), Kustwacht Steunpunt Aruba, Meldpunt (Meldpunt Ongebruikelijke Transacties) y RST (Recherche Samenwerkingsteam).   Crimen no por rindi!

Afpakteam por worde acerca cu señalnan cu un persona lo por tin fondo criminal via mail: afpakteam@kparuba.com of via tiplijn: 111-41.

- Advertisement -

DUNA COMENTARIO

Please enter your comment!
Please enter your name here