Home Politica Benny Nisbet ta haya cu Uncle Louis Store no mester wordo destina...

Benny Nisbet ta haya cu Uncle Louis Store no mester wordo destina pa otro Departamento

86
0
SHARE
- Advertisement -

ORANJESTAD (AAN): E decision di gobierno pa laga Monumentenzorg  drecha e edificio di Uncle Louis Store por worde considera un decision positivo.  Pero e decision pa destina e edificio strategico y historico aki un vez mas den man di un departamento di gobierno ta un decision robez  ‘A wrong decision” y lo stroba San Nicolas pa crece comercialmente y turisticamente!

Nada contra e respectable departamento di gobierno ‘Naturalesa y Ambiente’ pero mescos cu PPA a señala esaki anjas atras ora e gobierno di AVP a pone departamento di Adouana den e edificio aki PPA ta ripiti nos ponencia un vez mas.  Segun Nisbet, esaki ta un decision totamente robez!!

Locual San Nicolas mester ta un desaroyo cu lo contribui na un impacto commercial y turistico.  Si usa e  edificionan di  ex-Acme Store(actualmente un restaurant) di nivel,  ex-Uncle Louis Store y  ex-All Electric/x Benito’s esta e parti pariba di dje como  tres restaurant di nivel esaki lo crea un ambiente turistico.

Otro negoshinan cu tin di haber cu desaroyo commercial/turistico lo habri porta y e spinoff di e desaroyo aki lo ta inmenso pa San Nicolas.  E lo tin un effecto positivo riba e movimento turistico tanto durante dia como anochi ora turistanan worde treci pa come algo na San Nicolas basa riba un desaroyo asina. Cafenan lo worde crea combina cu negoshinan cu ta bende souvenir y e necesidad local igualmente.

Pero lamentablemente e decision pa haci ex-Uncle Louis Store un departamento di gobierno  lo NO contribui na un desaroyo asina.

Esaki PPA ta considera un estorbo pa desaroyo commercial/turistico di San Nicolas.

   Un vez mas vision di AVP:

PPA no por comprende cu p.e. e Ministro(AVP_ cu a viaha pa  New Orleans  den pasado na unda tin un desaroyo commercial/turistico renombra por a bin topa cu departamento di gobierno mei mei di e  desaroyo commercial aki.

E decision pa  Uncle Louis Store a worde bendi y renova pa Monumentenfonds  y pa e departamento di ‘Naturalesa y Medio Ambiente’ worde poni eyden ta data di e periodo di gobernacion di AVP y e actual gobierno cu NO tin su propio vision a simplemente ehecuta e vision robez cu AVP a laga atras.

Nos a worde informa cu pa Monumentenfonds a renova e edificio aki  nan mester a ricibi un garantia cu e edificio a worde ‘ verhuurd’ pa f. 16.000,– pa luna y como cu ningun comerciante  a paga e huur absurdo aki anto den un barrio commercial cu ta den problema pa hopi tempo, gobierno di AVP a tuma e decision den pasado pa gobierno mes ‘huur’  e edificio di Monimentenfonds  y pone un di su departamentonan eyden.

En vez cu gobierno mes por a renova e edificio y  ‘huur’ esaki na un grupo commercial  cu un meta commercial/turistico cu lo por tin un ‘impacto regional’ positivo riba e vecindario.

PPA ta lamenta e decision aki.  Mescos cu presencia di departamento di Adouane  kizas a contribui cu algun ‘pastechi por a worde cumpra den San Nicolas, PPA   NO ta mira cu e respectable departamente di ‘Naturalesa y Medio Ambiente’ su presencia lo contribui cu mucho mas.

Dept. Naturaleza y Medio Ambiente na halto  y   un restaurant abao cu permiso pa usa e plaza dilanti di dje?

Kizas por salba e situacion aki si e Dept di Naturaleza  y Medio Ambiente bay  riba e piso na halto y ainda busca un  grupo den mundo di nos ‘Cuisine Caribense’ pa presenta un proyecto cu lo mag di haci uso di e  plaza chikito nan dilanti …pero como cu PPA ta consciente  con nos gobernantenan ta pensa y/of Monumentenzorg cu esaki lo  no  worde ejecuta.  Naturalmente un decision positivo asina lo mester worde accompanja cu decisionan pa stimula e transportancion public pa San Nicolas den un forma mas creativo !!

Un Lastima si.  Esaki ta sosode ora gobernante cu ta pretende cu nan a bin salba San Nicolas, y no sa nada di e historia y desaroyo multi-cultural di San Nicolas.

E ta kere cu e edificio lo por a worde grandemente sirbi si a bini un Uncle Louis Bar & Restaurant cu un ambiente  caribense/arubiano…..pero un vez mas unda falta un vision cla ta e tipo di decisionan ‘ad hoc’ bo ta haya.

- Advertisement -

DUNA COMENTARIO

Please enter your comment!
Please enter your name here