Home Deporte Bunita anochi di reconocimiento pa atletanan di Aruba Dolphins Swimming

Bunita anochi di reconocimiento pa atletanan di Aruba Dolphins Swimming

49
0
SHARE
- Advertisement -

ORANJESTAD (AAN) –  Durante e fin di siman, e equipo di natación Aruba Dolphins a organiza nan ‘Awards Night’ anual.

Coachnan, atletanan, mayornan y voluntario nan di Aruba Dolphins a bini hunto pa celebra un otro aña exitoso y pa reconoce e atletanan di cada age group cu a destaca den e ultimo aña, pues aña 2018.

Durante e ‘Awards Night’ di Aruba Dolphins, Head Coach di e equipo sr. Randy Arends a conta cu Aruba Dolphins a wordo funda na aña 1975 door di Roly y Winnie Bisslik.

Durante e aña nan, Roly y Winnie a hasi hopi pa hiba e deporte di natación dilanti y pa e motibo aki a gradici Roly y Winnie pa nan dedicación y amor pa e deporte di natación.

Sr. Arends a conta tambe cu e nominación pa ‘Swimmer of the Year’ a cuminsa oficialmente na aña 2003 unda cu e directiva hunto cu e coachnan a bin cu e idea di nombra 1 landado femenino y 1 masculino como e mihor landado di e aña anterior.

Durante 15 aña cu ta organisa e evento aki, varios landado cu a ricibi e premio aki ainda ta landa y ta forma parti di diferente selección di Aruba den exterior.

Landado nan cu a ricibi e premio aki ta entre otro, Krista Farro, Erol Perez, Marellys Robles de Medina, Sylvanio Goedgedrag, Renze Postma, Mijaila Roos, Elston Yarzagaray, Saskia Postma, Ally Ponson, Tyreke Wernet, Flory Kock, George den Dunnen, Keyshawn Godet, Lucien Peterson, Elisabeth Timmer, Chloe Farro y Nathan Croes.

Swimmer of the Year

Prome cu a revela e atleta nan di cada age-group sr. Arends a splica e criteria pa a escohe e landado pa aña 2018.

Di januari pa december 2018 a pone atención riba disciplina, presencia y puntualidad na training, respet, seriedad, progreso den su desaroyo (esaki ta ser midi di januari pa december 2018), resultadonan competitivo riba nivel nacional e international (esaki ta encera e medaillanan cu a ser conquista y tambe recordnan Arubano cu a ser kibra).

En corto: e landado ta un ‘role model’ y ta un digno representante di e equipo Aruba Dolphins y Aruba. E landadornan cu e aña aki a logra cumpli debidamente cu esaki ta:

Age Group Femenino Masculino
8 & under Aliyah Estrada Ejay Geerman
9-10 aña Liv Farro Inald Fernandes Perna
11-12 aña Jady-Ann Geerman Braynsly Dirksz
13-14 aña Chloe Farro Ronald Fun
15 & over Flory Kock Nathan Croes

 

Despues di analisis profundo, e coachnan a scohe Chloe Farro y Ronald Fun como ‘Swimmer of the Year 2018’.

Directiva y Coachnan a felicita tur e atleta nan pa nan esfuerzo durante 2018.

Na final anuncia e siguiente competencia pa e aña aki, e Stingray Challenge 2019, cu lo tuma lugar e prome fin di siman di April 2019.

 

- Advertisement -

DUNA COMENTARIO

Please enter your comment!
Please enter your name here