Home Religion y Espiritualidad Bunita concierto Diabierna Santo na Misa Immaculada Concepcion

Bunita concierto Diabierna Santo na Misa Immaculada Concepcion

33
0
SHARE
- Advertisement -

Pader Jairo a splica:

ORANJESTAD (AAN) – Diabierna Santo tabata tin un bunita concierto na Misa Immaculada Concepcion na Santa Cruz, cu a tuma lugar pa prome biaha. Den Misa di Brasil Pader Jairo a yega di organiza concierto riba Diabierna Santo y Pasco, pues no ta algo nobo pe.

Pader Jairo Maduro, durante un entrevista cortico cu DIARIO a elabora riba e meta di e concierto aki.

E tabata un concierto na honor di nos Señor Jesus Cristo, recordando su sufrimento, pasion y morto na Cruz, y tambe a honra su Resureccion.

Tambe a wordo dirigi na Dios Tata pa dune danki pa tur cos cu ta duna nos. E coro a canta bunita canticanan y tabata tin tambe lectura di e Palabra di Dios, cada un cu su reflexion.

Ademas tabata tin e meta di recauda fondo pa restaura e Centro San Martin cu ta parti di e parokia y ta un lugar cu por wordo uza pa actividadnan pastoral, formacion spiritual, les di Bijbel, di confirmacion, recibimento, etc.

Pastor Jairo lo sigui cu e conciertonan aki cu tambe ta un forma pa trece e pueblo di Dios hunto.

- Advertisement -

DUNA COMENTARIO

Please enter your comment!
Please enter your name here