Home Policial Cambionan di lugar pa campa mester wordo solicita na Polis

Cambionan di lugar pa campa mester wordo solicita na Polis

224
0
SHARE
- Advertisement -

Vocero di Polis, Lito Lacle:

ORANJESTAD (AAN): Temporada di campamento a yega cu Siman Santo y relaciona cu esaki, vocero di Cuerpo Policial, Lito Lacle a splica cu KPA ta preparando nan mes manera debe ser.

Nan tarea, a bisa, ta pa zorg pa mantene orden publico y e movilidad ariba caminda. Diferente departamento di Gobierno tin nan tarea den esaki.

KPA mester zorg tambe pa tur hende tin nan vergunning na ordo y visibel.

Te cu awor no sa precis cuanto permiso a wordo pidi. Ta wardando e cifranan final. Siman pasa, a indica, el a pasa door di algun permiso cu a wordo pidi y ta spera cu pa e siman aki por tin un miho bista di e cifranan.

Lacle a laga sa cu te ainda e no a haya sa di ningun vergunning pa un actividad na altura di Eagle Beach.

E aña aki ta conoce un cambio pa loke ta e area di Eagle Beach. Mirando diferente factor cu ta hungando un rol, DOW ta bezig cu un proyecto y Natuur en Milieu, pesey a dicidi conhuntamente ta bay saca algun permiso di cierto manera, e vocero di KPA a duna di conoce.

“Si bo no haya bo permisonan como debe ser, si bo no ta sinti bo mes confortabel unda bo a haya pa campa, bo ta bay haci un wijziging akinan, na e distrito cu bo ta bay campa y bo lo por hay’e”, Lito Lacle a señala.

Ora un persona haya un permiso e ta haya un lugar asigna pa campa na dje. Si na dado momento, polis ta bay na e lugar y e vergunning no ta klop cu unda bo ta campando, e posibilidad ta grandi cu polis ta bay pone bo move for di eynan.

E peticionnan por wordo haci personalmente pa asina haya e cambio preto ariba blanco cu bo a move bay un otro distrito.

Tur hende mester cumpli cu e reglanan di campamento, Lacle a enfatiza.

- Advertisement -

DUNA COMENTARIO

Please enter your comment!
Please enter your name here