Home Gobierno Capacidad di asiento pa vuelonan for di Merca ta sigui crece

Capacidad di asiento pa vuelonan for di Merca ta sigui crece

28
0
SHARE
- Advertisement -

Minister Dangui Oduber:

ORANJESTAD (AAN)- Minister di Turismo sr. Dangui Oduber ta elabora riba e ultimo cifranan cu su Ministerio a ricibi di Aruba Airport Authority (AAA). Aruba su Turismo ta pasando den un di su miho momentonan, tur indicador ta positivo y ta surpasando tur obhetivo.

Seat Capacity 2018

Na aña 2018 e capacidad di asiento pa e mercado Estadounidense a surpasa 1 miyon di asiento pa prome biaha den historia. E mercado Estadounidense ta keda esun di mas grandi cu ta 67% di nos bishitantenan.

E mercado di Latino America ta e di dos mas grandi cu 16% sigui pa esun Europeo cu 7%. Otro mercadonan ta e mercado Caribe Hulandes cu tin 6% y Canada cu tin 4% segun cifranan di 2018. Mayoria di e vuelonan pa Aruba ta sali for di Miami, New York, Curacao, Newark y Bogota segun e cifranan di 2018.

Aña 2019 ta premira pa bira un aña record den turismo, e capacidad di asiento Estadounidense lo bay surpasa e capacidad di asiento di aña 2018.

Minister Dangui Oduber a expresa di ta satisfecho cu e cifranan ricibi di AAA. Gobierno lo bay sigui explora pa habri mas destinacion pa asina sigui aumenta e capacidad di asiento pa Aruba.

- Advertisement -

DUNA COMENTARIO

Please enter your comment!
Please enter your name here