Home Hudicial Castigo combina pa homber cu a bati homber Hulandes

Castigo combina pa homber cu a bati homber Hulandes

132
0
SHARE
- Advertisement -

Mientras cu Fiscal a exigi 1 aña di prison

ORANJESTAD (AAN) – E homber B.A. a presenta den Corte pa scucha su sentencia. Contrario na e acusacion di Fiscal, Hues no ta haya proba intento di mata y a declara B.A. liber di e acusacion aki. Hues si ta haya proba e otro acusacion esta intento di causa maltrato severo. Fiscal a exigi 1 aña di prison y Hues ta di opinion cu un castigo combina ta na su lugar y cu B.A. no mester bolbe bay sera den KIA.  Acusa di intento mata y intento maltrato severo.

EXIGENCIA DI FISCAL

Luna pasa tratamento di e caso a tuma lugar caminda Fiscal ta haya legalmente proba cu B.A. a maltrata e Hulandes v.L. Fiscal ta haya cu B.A. mester a actua otro. E ta haya cu B.A. a actua di mas. Fiscal  hasta a bisa cu e ta haya cobarde cu B.A. a ataca v.L. di lomba. Na opinion di Fiscal, dal un hende skop den cabez por ta fatal. E ta haya cu esaki ta un intento di mata.

El a bisa Hues cu di banda di abogado a pidi Fiscal pa hiba e caso un Tomzitting caminda B.A. ta dispuesto pa paga pa daño y haci trabou pa comunidad. Fiscal ta haya cu no por laga e caso pasa cu trabou pa comunidad. Fiscal ta haya e demanda di daño di v.L. razonabel. El a exigi 18 luna di prison pa B.A. di cual 6 luna ta condicional y 2 aña di prueba.

FISCAL TA MIDI CU DOS MIDI

Abogado mr. Illes a bisa Hues cu loke ta sinti’e malo ta e hecho cu Fiscal a nenga pa tene un Tomzitting y a scoge pa bay Corte. E abogado a bisa Hues cu no ta bon cu Fiscal no kier pa un Tomzitting siendo cu tin caso cu un agente di Polis a manda un mucha homber di 15 aña den intensive care, door di bati’e y el a haya Tomzitting.

Esaki pasobra e mucha a tira e agente su auto cu piedra. Tambe e abogado a mustra cu un homber cu a dal otro cu skinup, a haya Tomzitting. Un otro caso di machete a wordo regla cu Tomzitting. E abogado a remarca cu awor Fiscal ta exigi castigo di prison pa un caso di maltrato. E abogado ta haya cu Fiscal ta midi cu dos midi.

E abogado a mustra cu B.A. a admiti y tin otro opinion di dal skop den cabez. E abogado a remarca cu casonan mucho mas serio di maltrato a atende cu Tomzitting. El a mustra cu B.A. ta dispuesto pa paga daño pero Fiscal ta para riba cu caso tin cu bay Corte. Ademas a bisa cu B.A. ta dispuesto haci trabou pa comunidad pero Fiscal ta nenga. Siendo den casonan mucho mas serio si a haci esaki. 

SENTENCIA

Hues den su sentencia a bisa cu e acusacionnan contra B.A. ta intento mata y intento maltrato severo. Hues no ta haya proba intento di mata. Hues a bisa cu e ta haya proba cu B.A. a dal skop y mokete na cabez di e Hulandes.

Esey ta haci B.A. culpable di intento di maltrato severo. Hues a bisa cu dal cu mokete y skop contra cabez por tin consecuencia severo.

Pa cu castigo Hues a  tene cuenta cu B.A. tabata 25 dia sera caba. Hues a condena B.A. na 75 dia di prison, di cual 50 dia ta condicional, kitando dianan cu B.A. tabata sera. Tambe Hues a ordena 200 ora di trabao pa comunidad. Hues a aproba e demanda di daño di v.L. cu ta algo mas di 10 mil florin.

- Advertisement -

DUNA COMENTARIO

Please enter your comment!
Please enter your name here