Home Deporte Charity  golf tournament anual ta tuma lugar awe

Charity  golf tournament anual ta tuma lugar awe

71
0
SHARE
- Advertisement -

ORANJESTAD (AAN)- E torneo di charity golf mas popular di Aruba lo tuma lugar awe diasabra 13 di April na Tierra del Sol Championship Golf Course y lo cuminsa pa 12:30pm.

Amantenan di golf na Aruba ta invita pa participa y diberti mientras fondonan ta wordo recauda pa un fundacion non-profit di nos isla.

E invitado di honor pa e torneo, winegrower Eric Wente di Wente Vineyards, California ta fia su nomber na e evento anual y e ta asisti tambe na un serie di eventonan prome cu e torneo cu ta inclui un les di biña pa studiantenan di hospitalidad.

E les special di biña tabata diseña pa educa y informa e studiantenan y asina amplia nan conocimento di biña. ayera 12 di april Papiamento Restaurant a ofrece un cocktail reception na honor di e hungadornan y patronicadornan, presentando e organisacion beneficiario di e aña aki cu ta Fundacion Hende Muher den Dificultad.

Awe 13 di april ta dedica na a campeonato di golf y net prome cu e bahada di solo lo tin un ceremonia di premiacion caminda lo reconoce e ganadornan di e torneo na Tierra del Sol Golf Club, cu Eric Wente como e presentador di e premionan.

E tres partners – Arion Wine Company, Papiamento Restaurant y Wente Vineyards – tabatin hopi exito den recauda fondo riba e isla durante e ultimo diesseis añanan. Segun Wente e bodega ta wordo opera continuamente pa 135 aña door di e famia.

E aspecto di negoshi ta wordo lidera awendia pa e di cuatro y cinco generacion di famia Wente. Como fabricante di biña, e famia ta mezcla procedura di traha biña tradicional, innovador y cientifico pa e bodega por mantene nan rol di lider den e comunidad di traha biña na California, y produci un portfolio excelente di biña fini.

 

- Advertisement -

DUNA COMENTARIO

Please enter your comment!
Please enter your name here