Citgo no por ser considera doño di Citgo

    337
    0
    SHARE
    - Advertisement -

    Na 2016 Rusia y financiadonan a mara Citgo na borg

    *Raad van Advies a cuestiona e cuadro financiero Citgo

    *April ta dicidi si Citgo por sigui colga entre Rusia y Merca

    ORANJESTAD(AAN)–Manera DIARIO pa basta dia ta prepara Aruba, e momento cu ta decisivo pa futuro di e cadena di refinerianan di Merca, Citgo, a yega.

    Cada dia cu pasa ta uno mas pa e compania, cu ta centro di e conflicto Merca y Rusia. Manera DIARIO a adverti durante ultimo lunanan, Citgo ta un compania strategico pa Merca y Rusia loke ta nifica cu Aruba a ser pusha den e conflicto cu Nicolas Maduro a origina na Venezuela.

    Kico ta sosode e siman aki riba tereno internacional, lo dicidi riba e futuro di Citgo. Aruba mester tabata prepara pa tur posibilidad rond di e acuerdo di halto riesgo.

    Raad van Advies den su conseho, a mustra riba falta di informacion economico y financiero importante den e presentacion cu a ser haci di resultadonan cu e acuerdo lo tin pa Aruba.

    Central ta preguntanan cu continuamente DIARIO a lansa riba e falta di informacion clave pero tambe e riesgonan contra interes di Aruba.

    Awe prueba ta ser duna di e informacionnan di DIARIO riba loke mester a bira palanca economico di e pais, tabata a base di informacionnan di tur instancia den e estado di derecho di Aruba.

    Na e momentonan aki e instabilidad na Venezuela ta crece. Na mes momento pues Venezuela ta den Corte na Merca a base di su debenan cu Citgo como borg.

    Cu e momento por a presenta no mester ta nada nobo pa e team di gobierno Mike Eman cu a negocia e acuerdo cu Nicolas Maduro, satelite di e cadena comunista y cu tabata e homber cu tabata dicidi kico ta pasa den Citgo.

    Esaki a keda proba cu e hecho cu e tabata cambia y pone e dirigentenan cu e kier y ora e situacion di conflicto a rementa na Venezuela, e actual Presidente Juan Guaidó,  a bira e persona cu a dicidi riba Citgo.

    Na 2016 ora gobierno Mike Eman, contra reglanan di e pais, a entrega Aruba na un acuerdo cu halto riesgo pa Aruba manera DIARIO ta proba, Maduro a entrega Citgo na Rusia y companianan internacional di inversion como borg pa prestamonan.

    Cualkier persona cu tin un propiedad na cadena di borg pa debe, ta consciente cu esaki ta haci cu e loke ta borg no por ser considera propiedad cu por uza pa otro transaccion. Pues Citgo no ta liber pero ta na cadena como borg pa paga debenan di Venezuela.

    Manera DIARIO a trece dilanti, na e momentonan aki den Corte na Merca Guaidó mester defende su peticion pa e haya 120 dia pa por soluciona e debe cu Venezuela tin cu Crystallex, e compania minero di Canada cu awor a scoge sede na Merca caminda dilanti Hues e ta busca pago den un caso cu a cuminsa for di 2011.

    Si Hues no duna Guaidó e tempo cu el a pidi,  Crystallex ta cla pa prepara pa benta di loke ta di Citgo te un balor igual na 50.1%.

    Rusia ta prepara pa “swap” su parti den Citgo, loke ta nifica cu e hecho cu e no ta ricibi pago di su debenan, ta haci cu e por exigi su parti den Citgo loke lo haci cu e ta bira doño di casi mita di Citgo.

    Pa Aruba pues un momento importante ta bati na porta despues cu na 2016 contra reglanan di oro cu ta dicidi con ta gasta placa di pueblo, gobierno Mike Eman a hinca Aruba den un aventura financiero y economico.

    DIARIO lo sigui informa den momentonan decisivo pa Aruba.

     

     

    - Advertisement -

    DUNA COMENTARIO

    Please enter your comment!
    Please enter your name here