Home General Dia 19 di April pa 10 or di mainta e Caminda di...

Dia 19 di April pa 10 or di mainta e Caminda di Cruz Bibo ta tuma lugar

80
0
SHARE
- Advertisement -

Comision ta recorda pueblo en general y parokianonan di Dakota:

ORANJESTAD (AAN) — Saliendo for di Misa La Birgen di Fatima, e Caminda di Cruz ta sigui e ruta: Mispelstraat, Macubaristraat, Apelsinastraat, Pindastraat, Mispelstraag te na Misa La Birgen di Fatima na unda lo tin e Crucifixion y Resureccion di Jesus. Tur persona ta keda invita pa forma parti di e procesion aki.

Ta pidi pa bin cu nan mes boter di awa y pa bisti algo comodo pa e calor y pa cana.

PERSONAHENAN:

Aña pasa, sr. Sergio Solognier a introduci un personahe nobo cu ta Jose di Arimatea, cual lo wordo mantene.  Pastor Jairo lo sigui interpreta Simon di Sirena, y Fatme Rigaud su personahe di Mama Maria. Maria Magdalena ta den e persona di Joally Lake.

Tambe e aña aki tin soldatnan nobo cu ta participa y ademas tin personanan adicional den e grupo di hendenan muher cu ta topa cu Jesus. Y manera a wordo menciona caba Jesus lo wordo representa pa Julio Peralta, cu ta un actor nobo.

Den caminda di Cruz Steve Geerman ta hunga dos rol. E prome ora Pilato ta laba man y ta hiba awa pe conhuntamente cu Diella Dake,  y mas den e stagenan e ta interpreta e yiu di Veronica cu ta laba cara di Jesus.

Esaki ta e di diez aña cu Steve ta participa den e Caminda di Cruz. Ademas, Lilian Albertus ta interpreta e señora cu ta sangra.

E biaha aki Jesus ta sali for di e huma y no for di parti ariba di Misa.

MUSICA:

Papito Rafael conhuntamente cu Roderick Lopez ta dirigi e banda musical pa Caminda di Cruz Bibo.

E canticanan lo wordo interpreta pa nos hoben interprete Gospel, Eltienne Yarzagaray.  E caminda di Cruz lo wordo acompaña pa Massive Brassband. Sonido lo ta na encargo di Myron Dijkhoff. Truck na unda Jesus ta wordo suta ta cooperacion di un compania di towing service.

GRADICIMENTO:

Gina Nuboer a expresa su palabranan di gradicimento pa tur cooperacion cu e Comision ta ricibi y e acogida di pueblo. “ Danki na Dios cu ta duna nos e forza y talento pa asina nos recorda Jesus na un manera mas real posible.

Danki na tur integrante cu ta forma parti di Diadomingo di Rama Bibo, y Caminda di Cruz Bibo pa nan support di tur aña, na tur persona cu ta colabora di un of otro manera, na Bario di Dakota, na Aruba completo, na mi famia.

Tambe tur esnan cu ta yuda patras di cortina, Pastor Joseph Pelc y tambe Pader Szpila, pa tur e añanan cu el a duna su apoyo, entre nan Centro di Bario Dakota y ATHA, tur medio di comunicacion sin lubida e artistanan di make up Marietta Wanopa y Andrew Curiel”.

Sra. Nuboer a agrega cu tur dos evento lo wordo transmiti direct pa Tele-Aruba.

- Advertisement -

DUNA COMENTARIO

Please enter your comment!
Please enter your name here