Home Gobierno Dia 29 di Mei proximo lo inaugura e prome Aruba Fest na...

Dia 29 di Mei proximo lo inaugura e prome Aruba Fest na San Nicolas

51
0
SHARE
- Advertisement -

Minister Dangui Oduber:

ORANJESTAD (AAN) – Minister di Salud, Turismo y Deporte sr. Dangui Oduber, a anuncia den conferencia di prensa, cu e evento Aruba Fest, cu lo reemplaza Carubbian Festival, lo tuma lugar dia 29 di Mei proximo.

Esaki ta parti di un serie di evento cu lo tuma lugar na San Nicolas un bez pa luna, y e lo bira un concepto diferente cu lo sa di duna e resultado cu gobierno ta buscando.

Esaki despues cu a finaliza e proceso di recht op e fundacion, encamina su procedimento na ATA y haya aprobacion di e board, finalmente tur esaki ta cla, y lo cuminza dia 29 di Mei.

Den e simannan cu ta sigui e dignatario lo ofrece un conferencia di prensa pa informa comunidad den mas detaye, y pa invita e pueblo tambe pa sostene e evento aki pa e bira un exito rotundo.

E mandatario a anuncia tambe cu e Oficina di Turismo na San Nicolas lo bolbe habri, despues cu den e lunanan aki e lugar a wordo renova y transforma completamente, haciendo uso di hopi tecnologia y innovacion.

E oficina aki mester fungi como e Centro di Informacion di San Nicolas, unda turistanan ta yega y busca kico tur e distrito ta ofrece. E mandatario a reitera cu gobierno tin un plan integral pa San Nicolas, pues no solamente papia, pero pone accion na su palabranan.

Gobierno ta kere den San Nicolas y otro siman, Diahuebs 25 di April, lo tin e reapertura di e oficina, y su siguiente siman lo ta habri caba pa e bishitantenan.

E mandatario a bolbe elabora riba e proyecto di Baby Beach, unda lo pone un restaurant, facilidadnan di parkeo, lo drecha e canchanan deportivo, entre otro. E proyecto lo cuminza e prome siman di Juni cu un destaho publico, y asina aki dia 1 di Juli tur esaki lo cuminza.

 

- Advertisement -

DUNA COMENTARIO

Please enter your comment!
Please enter your name here