Home Social Dia di Famia di Parokia Paradera

Dia di Famia di Parokia Paradera

91
0
SHARE
- Advertisement -

ORANJESTAD(AAN): Parokia di Paradera ta bay tin un dia di Famia riba 27 di April y durante un conferencia di prensa Diamars, Jeanette Croes-Fingal, encarga cu Hubileo pa Famia den e Comision 70 aniversario di Parokia di Paradera a hiba palabra.

El a splica cu e dia di famia cu ta bay ta riba dia di Rey ta bay ta di 11’or di mainta te cu 5’or atardi na Centro Caiquetio.

E Comision di Hubileo di Parokia encarga cu Hubileo pa Famia lo tene un dia di famia combina cu Food Festival.

“E meta di e dia aki ta primeramente pa duna oportunidad pa famianan bini hunto den un ambiente parokial. Tambe e fondonan recauda durante e programa lo ser destina pa yuda cubri e gastonan di e programa di Hubileo di 70 Aniversario di Parokia Santa Filomena”.

“Pa 4 aña consecutivo parokia ta uza e fecha, ‘dia di Rey’ pa haci su fundraising. E aña aki nos ta dedica e dia aki na e Hubileo di 70 Aniversario di Parokia y cu un programa mas amplio”.

“E programa di e dia aki ta:

-Entre 11’or mainta pa 2’or atardi tin e Foodfestival. Tur esnan cu a cumpra carchi di cuminda na pre-benta  por pasa busca nan cuminda. Si resta carchi, nos lo bende na porta. Tambe nos ta bay tin nos mesa di bolo y cos dushi na benta y nos skina di koffie y te pa esnan cu ta desea .

-For di 11’or te 3’or lo tin actividadnan pa muchanan por disfruta cu; pintamento, core den saco,   e conocido grabbelton, cana riba “stelten”, pintamento di cara y siña traha obra di man.

-Pa esnan amigo di e wega di domino; for di 1’or di merdia te cu 4’or atardi lo tin weganan amistoso. Lo bay tin copa pa esnan campeon y subcampeon.

-Henter dia lo tin un vlooienmarkt pa esnan cu ta gusta cumpra articulonan pa coleccion.

“Animacion lo ta entre otro di caha di orgel, ” Mi Adorada” di Sr. Marin cu lo deleita tur presente cu su musica cultural y cu oportunidad pa rek e pianan bailando un of mas piesa”.

“Tambe lo tin un bar y cushina bon surti pa esnan cu ta desea di bebe of come algo”, según señora Croes-Fingal, kende a sigui bisa cu for di awor e Comision Hubileo 70 Aniversario di Parokia Santa Filomena ta invita henter pueblo Aruba y Paradera en particular pa bini y pasa un dushi dia di famia riba ‘dia di Rey’ na Centro Caiquetio for di 11’or mainta pa 5’or atardi.

- Advertisement -

DUNA COMENTARIO

Please enter your comment!
Please enter your name here