Home Comercio Dialuna dia 1 di April tabata ocasion di celebracion pa BDO den...

Dialuna dia 1 di April tabata ocasion di celebracion pa BDO den WTS Building LG Smith Boulevard

40
0
SHARE
- Advertisement -

ORANJESTAD (AAN): Riba Dialuna prome di April, BDO na Aruba y su fundadora Cari Wolter tabata tin motibo pa celebra. Ta exactamente 12 aña y mey pasa cu e practica fiscal (belastingadvies) a habri su portanan, 10 aña cu e practica di “acountancy” a subi riba mercado, exactamente 2 aña cu a bira miembro independiente di e “netwerk international” di BDO Audit- Tax- Advisory.

Tambe a recorda cu ya caba ta 2 aña y mey cu e oficina a muda pa e edificio iconico na L.G. Smith Boulevard (“WTS-building”). E edificio a worde construi inspira cu e elementonan y caracteristica di e estilo pionero di arte y diseño “bauhaus” cual movimiento y school di disenjo y arte  riba prome di april a celebra su di 100 aña di existencia.

BDO a celebra e momentonan special aki na Aruba den presencia di su clientenan, relacionnan, coleganan y amigonan den e bunita jardin di nan edificio cu recientemente a worde batiza cu e nomber di “WTS Building”.

Ta parse manera ayera cu e compania a cuminsa 12 aña y mei pasa cu 4 persona den servicio y awe e organizacion a crece y ta conta cu 21 profesional riba tereno di “accountancy”  y impuesto cu na un manera practico y personaliza ta brinda servicio na Aruba.

Pa e ocashon special aki tur e profesionalnan di BDO Aruba a expresa nan motivacion e “why” pa nan escogencia pa cu BDO como e organizacion unda nan kier forma parti di dje y sigui desaroya como profesional. Akinan, un biaha mas, e lema di BDO Global a resalta: “people helping people achieve their dreams”.

E management team di BDO Aruba cu ta consisti di señora Cari Wolter como gerente general, señor Jamil Tromp como gerente encarga cu Accountancy  y señor Frank Snijders como gerente encarga cu impuesto, nan ta hopi orguyoso di encabeza e team dinamico , hoben di profesionalnan cu yen di ambicion. Nan ta spera cu hopi entusiasmo e siguiente paso di BDO Aruba na final di e luna aki mes, na unda e organizacion lo integra riba e plataforma di ICT hunto cu esun di BDO Hulanda.

Pa medio di e cooperacion intenso aki, BDO Aruba lo tin acceso na entre otro base di datonan amplio di conocimento y “best practices” di un miembro prominente den e netwerk di BDO cu ta avansa riba tereno di digitalizacion y automatizacion.

Di e forma aki e gerencia a indica cu nan lo por sigui supera tur expectativa di nan clientela den e  mundo dinamico di negoshi. E gran acohida pa cu e celebracion y presencia di diferente cliente y comerciantenan prominente a demostra cu BDO Aruba a gana e confianza di e mercado di Aruba.

Un palabra di agradecimento a worde duna na tur e staff di profesionalnan pa nan aporte y bon trabao y a vocifera e compromiso cu BDO tin cu e mercado di Aruba pa sigui brinda e miho calidad di consehonan riba tereno di impuesto y “accountancy”.

- Advertisement -

DUNA COMENTARIO

Please enter your comment!
Please enter your name here