Home General Directornan di Meteo di Aruba y Corsow a conta un tiki di...

Directornan di Meteo di Aruba y Corsow a conta un tiki di historia di investigacion di horcan

81
0
SHARE
- Advertisement -

ORANJESTAD (AAN): Diahuebs e Director suplente di Meteo Dave Barkmeyer a duna un splicacion di investigacion di cyclonenan tropical, esaki prome cu yegada di e avion Hurricane Hunter.

El a splica cu net despues di Di Dos Guerra Mundial, a bin cu e idea pa investiga e cyclonenan tropical.

E tempo ey for di Hawaii tabata manda cierto avionnan manera Hercules, pa investiga e cyclonenan den Pacifico.

Despues di esaki periodicamente a cuminza hasi investigacion tambe den Caribe.

E investigacionnan aki tabata encera cu e avion tabata haya un patronchi designa di buelo y tabata bula den e tormenta, cu e intencion di yega den centro di e tormenta aki, locual ta wordo yama e wowo di horcan.

Barkmeyer a splica cu nan tabata tira un asina yama ‘drop sonde’ pa tuma midi di biento, humedad, temperatura etc.

E informacion tabata wordo transmiti pa e avion y eynan e tabata wordo procesa, pa bay na e centro nacional di horcan.

Durante e conferencia di prensa, e Director di Meteo di Corsow Albert Martis tambe a hiba palabra.

El a splica cu pa Corsow semper ta importante pa traha hunto cu Aruba.

“Semper for di inicio di Antiyas y despues tambe, nos ta un di e tiki organizacionnan, di cual e lasonan semper a keda fuerte entre Aruba y Corsow”.

“Ora bo wak bek den historia, ora bo laga avionnan bula atravez di un sistema di tempo esaki ta costa placa”.

“Pesey ora cu a lanta e organizacion mundial di meteorologia na 1954, esaki tambe tabata un di e programanan mas moderno pa e tempo ey cu a start”.

Esaki segun Martis, kende a indica cu na dado momento Merca y otro paisnan den nos region a bin cu e idea pa traha mas coordina, pa loke ta e sistemanan di horcan.

 

- Advertisement -

DUNA COMENTARIO

Please enter your comment!
Please enter your name here