Home Turismo Divi Resorts a haya un Gold Certificate of Excellence for di Travelife 

Divi Resorts a haya un Gold Certificate of Excellence for di Travelife 

54
0
SHARE
- Advertisement -

ORANJESTAD (AAN):  Travelife, un sistema husto y pagabel cu ta yuda e tour operators y agencianan di viahe pa administra y mehora e impacto social y ambiental, a otorga Divi Resorts, incluyendo Divi Mega Resort y Tamarijn Mega Resorts, cu e Gold Certificate of Excellence anual pa cumpli cu tur e rekisitonan bieu y nobo di sostenibilidad, asina Marin Bijl a bisa, Gerente General di Divi & Tamarijn All Inclusive Resorts.

Bijl a splica cu ultimamente, ora un compania cumpli cu tur e rekisitonan, incluyendo e standardnan nobo di evaluacion comparativo di Travelife, e ta ricibi un premio di Travelife, un iniciativa lansa pa e gigante den viahe TUI UK, cu tambe ta apoya e industria hotelero riba e caminda pa sostenibilidad cu un variacion amplio di servicio cu ta inclui training, management, planning, raporta y B2B tools.

E auditor di Travelife, Bijl a agrega, a keda impresiona cu e documento extensivo y tabata satisfecho specialmente cu e esfuersonan social y comunitario di Divi, incluyendo e beach cleanups y e apoyo continuo di Divi na YMCA San Nicolas. E actividadnan interno di e ekipo IMPACT, diseña pa mehora e calidad di servicio comunitario externo y interno den e cinco complehonan turistico di Divi na Aruba, a ricibi hopi elogio pa ta duna honor na nan nomber: “Improving Motivating and Providing the Aruban Community Together”.

E centronan turistico a wordo nombra como e recipientenan di e premio TUI Travelife na final di un auditorio integral y sostenibel haci akinan pa un auditor bishitante di TUI Travelife. Na final di su bishita, e auditor a aplaudi e esfuersonan y logronan ambiental cu a wordo logra te cu awo y e echo cu e centronan turistico tabata cumpli cu e 99 rekisitonan streng di sostenibilidad.

Travelife ta yuda su miembronan di hospitalidad desaroya bon practica di sostenibilidad pa promove nan logronan den e industria di viahe y publica nan resultadonan entre e consumidornan Europeo y internacional. Travelife ta un di e poco programanan cu ta existi cu ta balora normanan social mesun tanto cu management ambiental, y Divi Resorts na Aruba a caba di ricibi e seyo di aprobacion di e organisacion pa acomodacion vacacional sostenibel.

“E propiedadnan di Divi tin e placer di ricibi travel awards importante”, asina managing director Alex Nieuwmeyer a bisa. “Nos ta lucha pa ofrece nos huespednan un experencia memorabel y sostenibel, e reconocimento aki ta un prueba cu nos trabao duro ta comberti den resultadonan positivo”.

Divi Resorts ta propiedadnan di vacacionnan unico den Caribe. E cadena, cu a wordo crea na Aruba, ta invita e bishitantenan pa explora nan diferente resorts caribeño colorido situa na e islanan magnifico di Aruba, Barbados, Bonaire, St. Croix y St. Maarten. Cada resort ta ofrece suitenan espacioso y cambernan di hotel banda di e mihor beachnan di e isla, tur cu un variedad amplio di servicio.

 

- Advertisement -

DUNA COMENTARIO

Please enter your comment!
Please enter your name here