Home Cultura Dos tayer di arte a finaliza cu exito na Centro di Actividad...

Dos tayer di arte a finaliza cu exito na Centro di Actividad Rancho

25
0
SHARE
- Advertisement -

ORANJESTAD (AAN):  Na inicio di luna di maart dos tayer nobo a cuminsa na CAR, Stencil workshop y Tayer di Klei, unda grandi y chikito por a participa.

E dos actividadnan aki tabata tin algo importante comun, pa trece hende hunto, siña algo nobo y conserva historia y cultura di e bario di Rancho.

E diferencia entre e dos actividad ta e ofishi cu e participante a siña traha. Den e stencil workshop duna pa artista: Velvet Ramos e muchanan a siña e tecnica di printmaking, su historia y function.

Na final di e proyecto, nan a pone nan arte inspira pa e tema di AWA riba muraya den e Hanch’I Awa den Rancho.

Comunidad completo ta wordo invita pa bishita e hanchi y mira e bunita pintura y stencil riba muraya. Den e tayer di Klei duna pa maestra di klei Trudy Lampe a enfoca riba trahamento di artesania di klei. Unda mayornan a wordo encurasha pa asisti nan yiu den e trahamento di klei y asina uni cu otro pa medio di klei.

E participantenan a traha obhetonan inspira pa e herencia y historia di e bario di Rancho, cu e meta pa laga e participantenan conoce mas di e historia di e bario. Tur dos tayernan a termina exitoso, den futuro lo ripiti e tayernan aki un biaha mas, keda pendiente.

Riba e Facebook Page/ Centro di Actividad Rancho ta informa pueblo di e proximo tayernan, actividad y proyectonan.

Arte di klei optenibel na CAR Participantenan di e tayer di klei a traha un cantidad di obheto di klei y algun di nan awor ta obtenibel y na benda na CAR.

Kier invita tur hende cu ta interesa cu cumpra un di e obhetonan pa pasa na Centro di Actividad Rancho. Adres: Koningstraat 38, Oranjestad Aruba, durante orario di oficina. Esaki ta pa recauda fondo pa por sigi cu e proyectonan.

- Advertisement -

DUNA COMENTARIO

Please enter your comment!
Please enter your name here