Home Labor DPL lo transmiti pronto un imagen nobo y mas corporativo

DPL lo transmiti pronto un imagen nobo y mas corporativo

20
0
SHARE
- Advertisement -

Sr. Lionel Croes:

ORANJESTAD (AAN) – Den entrevista cu nos redaccion, señor Lionel Croes, funcionario di DPL a trece dilanti informacionnan importante pa nos comunidad.

El a declara, na prome lugar, cu DPL ta pasando den un periodo di transformacion, den cual nan kier transmiti un imagen nobo y mas corporativo, y den cuadro di esaki Departamento di Mercadeo ta trahando den e cuadro di mision y vision di Minister di Labor.

Pa presenta un imagen mas coorporativo e meta ta pa transmiti confianza prome cu tur cos, y tambe dinamismo y profesionalismo.

Sr. Croes a señala cu di hecho DPL ta un departamento sumamente importante pa e sector laboral y e profesionalnan di DPL, durante e ultimo añanan di existencia di e dienst, a traha semper cu e dedicacion pa trece mas persona, y guia e sector di labor pa prepare pa subi e mercado laboral.

Den cuadro di esaki nan ta mirando oportunidadnan, y tin hopi pa wordo haci y di facto, na dado momento DPL a bay den silencio den e forma cu a bay traha den e aspecto di reorganizacion y conhuntamente cu e Ministerio a mira cual ta e reglanan cu mester atende y enfoca riba dje.

Sr. Croes a splica cu despues di a haci varios analisis aworaki DPL sa unda e ta para y na unda nan kier bay, y esaki ta importante.

El a agrega cu aworaki e barco ta navegando unda cu tin un proceso nobo ta andando, y pronto nan lo trece un imagen fresco dilanti. Sr. Croes a pidi pueblo pa warda un tiki mas riba DPL.

Sr. Croes a señala cu no ta desconoci den pueblo cu DPL a pasa den hopi noticia negativo pero esaki no ta kita cu nan ta mirando oportunidadnan locual ta haci nan optimista, cu tin un futuro pa e generacion nobo cu ta den busca di trabao. E meta di DPL ta pa semper yuda nos mes hendenan pa nan haya entrevista y subi e mercado laboral.

Den esaki tambe, el a subraya, nan ta mira hopi reto cu nan por atende cu nan, pero esaki no ta keda na DPL so, sino pa tin mas comunicacion cu otro departamentonan y esaki ta algo cu ya caba ta tumando lugar, unda cu DAS tambe tin reunionnan regular no solamente cu e hefenan di DPL pero tambe cu esnan cu ta trahando riba e “werk-vloer”.

Sr. Lionel Croes a acentua cu nan kier bay mehora nan comunicacion interno, garantizando un mihor calidad di servicio pa nos comunidad.

- Advertisement -

DUNA COMENTARIO

Please enter your comment!
Please enter your name here