Home Labor DPL tin e meta di crea un relacion estrecho cu e Dunadornan...

DPL tin e meta di crea un relacion estrecho cu e Dunadornan di Trabao

28
0
SHARE
- Advertisement -

 Sr. Lionel Croes:

ORANJESTAD (AAN) – Señor Lionel Croes, funcionario di DPL (Departamento di Progreso Laboral), a declara den entrevista cu nos redaccion, cu locual ta importante aworaki ta cu nan kier crea un comunicacion estrecho cu e Dunadornan di Trabao (“werkgevernan”).

Pesey DPL ta bay introduci nan mes cerca nan pa crea un relacion mas corportivo y ademas crea partnernan estrategico unda nan ta bin cu diferente proyecto.

Den esey nan ta cumpli tambe cu e mision y vision di Minister Glenbert Croes. Sr. Lionel Croes a señala cu den e proximo simannan DPL lo ta cla pa cuminza cu un proyecto piloto, entre otro un yama “Progreso pa Futuro” cu nan ta trahando riba dje, y ta bay lanza hunto cu AIB Bank, unda lo tin oportunidad pa 125 trahador local traha pa tres luna.

DPL lo enfoca pa acerca e “werkgevers”, vooral e sector hotelero. De facto, tambe nan tabata tin un reunion e siman anterior, sumamente exitoso, cu e directiva cu hotel y restaurantnan unda nan lo mira con pa yega mas cerca di otro, pa organiza diferente feria di trabao, mas dedica na e mercado laboral, unda cu DPL su data bank por provee di trahadornan califica pa nan exigencianan.

Sr. Croes a menciona cu awor cu e director nobo sr. Yrausquin e tambe ta mira den e mesun direccion, naturalmente unda tin oportunidadnan, pa crea un “SOS Department”.

Aworaki esnan cu ta busca trabao ta bin registra na Job Center y e profesionalnan di DPL ta atende cu nan y busca pa nan e oportunidad pa nan subi e mercado laboral.

Aki, segun sr. Croes, nan tin un gap unda nan kier tin participacion di otro dienstnan y tambe di e “werkgevers” por ehemplo esnan cu ta atende e programa di Sociale Zaken, cu ta personanan cu merece guia y atencion debi, y DPL ta dispuesto pa haci esaki.

 

 

- Advertisement -

DUNA COMENTARIO

Please enter your comment!
Please enter your name here